FAMAHAʼÖ 1

Fehede Famasao si Tefaudu

Halöwö Zinenge 17:22

RAHU-RAHU: Moguna tefarou dödö niha ba wehede famasao niʼogunaʼöda, taʼila hadia duho nifaʼemada ba taforomaʼö hana wa moguna adöni dödöra ba daʼö.

LALA WAMALUA YAʼIA:

Farou dödönia. Fili wanofu, bua gera-era sinangea mufatunö, si no irai alua mazui turia sadöni dödöra wamondrongo.

Haogö angenanöi wameʼe bua gera-era khö ndra samondrongo, ba odödögö wamondrongo hadia niwaʼöra ba faudugö wehedemö ba zalua khöra.
Taʼila hadia duho nifaʼemada. Enaʼö aboto ba dödö zamondrongo, tatugöi enaʼö tefaudu duho nifaʼemamö hegöi ohitö dödömö ba wehede famasao niʼogunaʼöu.
Foromaʼö hana wa moguna sibai duho daʼö. Faudugö hadia niwaʼömö moloʼö soguna ba zamondrongo. Sinangea laʼila wa moguna sibai khöra duho daʼö.

Ba ginötö öfaʼanö huhuomö, sofu khöu samösa, ’Hadia manö zalua khö ndra talifusögu ba mbanua niha Keriso?’ Faudugö wamaehagö yaʼia moloʼö soguna khöra.