Modulasi

Gamaedola 8:4, 7

RAHU-RAHU: Haogö wameʼe bua gera-eramö ba angenanöi nifaluamö simane faʼebua li, note wehedemö hegöi faʼalio-lio na mohede.

LALA WAMALUA YAʼIA:

• Faböʼö-böʼöni waʼebua limö. Douʼö waʼebua liu ba wamaehagö fehede si tohude hegöi ba wamarou dödö zamondrongo. Falua göi zimane daʼö ba ginötö öbaso ayati Zura Niʼamoniʼö soʼamakhaita ba wanguhuku. Alösi waʼebua limö enaʼö ladöna-döna hadia zalua aefa daʼö mazui ba wamaʼema faʼataʼu ba faʼaombö dödö.

• Faböʼö-böʼöni note wehedemö. Na tefaudu ba li niʼogunaʼömö, douʼö note wehedemö ba wangoromaʼö faʼaterou dödömö mazui ba wangombakha hawaʼebua ba hawaʼaröu gotalua hadia ia. Alösi note wehedemö ba ginötö öfaehagö waʼabu dödö mazui faʼaombö dödö.

• Faböʼö-böʼöni waʼalio wehedemö. Ba ginötö öfaʼema zoʼamakhaita ba waʼomuso dödö, aliokö wehedemö. Daʼi-daʼi wehedemö ba ginötö ötutunö duho sabölö moguna.