Mufaehagö si Fao Faʼafaduhu Dödö

1 Tesalonika 1:5

RAHU-RAHU: Enaʼö faduhu dödömö wa sindruhu nifaʼemamö andrö ba moguna ia.

LALA WAMALUA YAʼIA:

• Haogö wamaʼanö yaʼugö. Moguna öfahaʼö ndraʼugö ba duho nifaʼemamö enaʼö aboto ba dödömö hadia wamahaʼönia ba hewisa wangoromaʼö Sura Niʼamoniʼö wa atulö daʼö. Ogunaʼö wehede salio muʼila eluaha ba wanutunö famahaʼö moroi ba huhuo nifaʼemamö andrö. Angeragö hewisa enaʼö tobali fanolo daʼö ba zamondrongo. Andrö geheha niʼamoniʼö ba wangandrö.

• Ogunaʼö ngawua wehede sameʼe faʼafaduhu dödö. Abölö baga na öʼogunaʼö wehedeu samösa moroi na öfuli-fuli furi wanötöi ngawua wehede si no mufaʼanö ba duho nifaʼemamö. Fili ngawua wehede sangoromaʼö wa faduhu dödömö ba niwaʼömö andrö.

• Odödögö wamaehagö yaʼia ba enaʼö soroi ba dödöu. Faudugö waʼebua liu ba wahuhuosa. Angenanöi ba wamaigi yaʼira enaʼö böi tetutu dödöra.