Fanuturu Lala ba Wamahaʼö

Ofönaiʼö Zabölö Moguna

Lö oya ginötöda ba wamalua famahaʼö samösa. Hewisa enaʼö tola tahaogö wangogunaʼö inötö? Si oföna, böi mangaösö-ngaösö. Abölö sökhi na ha maʼifu öfahaʼö ndraʼugö asala öhaogö wamalua yaʼia, moroi na oya öbaso si fao fangaösö-ngaösö.

Si dua, tatugöi zabölö moguna. (Ef. 5:15, 16) Nehegö wanuturu lala andre:

• Baso Zura Niʼamoniʼö ero maʼökhö. (Si. 1:2) Tola öbörögö wombaso yaʼia ba faza nitutunö ba gangowuloa barö migu.

• Faʼanö ndraʼugö ba artikel Manuriaigö sedöna mututunö hegöi waö-waö halöwö ba gangowuloa barö migu. Henaigö mbua gera-eramö.—Si. 22:22.

• Moloʼö inötö niʼokhögömö, ogunaʼö gö wamati tanö böʼö simane majalah edisi umum, video, hegöi tanö böʼönia si so ba jw.org.

• Falua riset. Tola öʼalui wanuturu lala ba wangasiwai zi sambua abula dödö, ba wangalui fanema li ba zi sambua fanofu, mazui öfahaʼö ndraʼugö ba duho Zura Niʼamoniʼö sambö aboto ba dödömö. Enaʼö öʼila, faigi mbuku ”Fahaʼö Ndraʼugö ba Cerita-Cerita Zura Niʼamoniʼö” ba jw.org.