Ogunaʼö jw.org ba Wanuriaigö​—”Tobali si Fahuwu khö Yehowa”

Ba jw.org, so duho ”Famahaʼö Zura Niʼamoniʼö” sanandrösa ba ndraono yaʼia daʼö ”Tobali si Fahuwu khö Yehowa”. Ba daʼö, so zinunö, video ba tanö böʼönia. Hadia no öʼogunaʼö daʼa ba wanuriaigö? Na so niha nifahaʼöu ba Zura Niʼamoniʼö si so iraono side-ide tola öʼoromaʼö khönia lala wangogunaʼö video andre. Daʼa zi tola manolo yaʼia enaʼö tola iʼalui danö böʼönia moroi ba situs Web khöda.

Samösa dalifusöda sanuriaigö ibeʼe mbuku Berita Kerajaan Numero 38 khö zi samosa ira alawe si so iraono. Iʼanemaiʼö ibaso mbuku andre si no labeʼe khönia. Adöni dödö ndraononia ba wamaigi mbuku nibaso ninania andre. Ifatunö dalifusöda andre hadia nösi mbuku si no itema aefa daʼö iʼoromaʼö ngaʼörö mbuku tanö furi ba alamat Web khöda. Börö meʼomasi ndra alawe andrö hegöi iraononia sanandrösa ba Zura Niʼamoniʼö, iʼogunaʼö hpnia talifusöda andre ba iʼoromaʼö khöra video Kalebi.

Samösa dalifusöda ira alawe, iʼombakhaʼö situs Webda khö nawönia sohalöwö si so iraono sanandrösa ba zi sambua omo enaʼö lasöndra wa ohahau dödö. Fao ndraononia ba wamokai jw.org. Samuza inötö falukha ia khö dalifusöda andre ifatunö wa iraononia omasi lalau manunö ba nomo tuhonia ”Turiaigö Daromali Lowalangi”, sambua zinunö nihalö moroi ”Tobali si Fahuwu khö Lowalangi”.

Faigi enaʼö aboto ba dödöu jw.org ba halö video somasiʼö, sinunö, mazui tanö böʼönia ba hp mazui tablet si no so khöu. Tola öʼogunaʼö jw.org na möiʼö manuriaigö. Daʼa lala zi tola manolo yaʼugö ba wangaʼi halöwö khö Lowalangi!​—Halöwö Zinenge 20:19.