Iopu

10 KUA to haku a fia moui; to toka e au a au ke tagi; to vagahau ai au he mamahi hoku loto.

2 To pehe age au ke he Atua, Aua neke fakahala e koe au, kia fakailoa mai e koe kia au e mena kua taufetoko ai a taua mo au.

3 Po ke mitaki kia kia koe ke favale, mo e vihiatia e koe e gahua he hau a tau lima, mo e fakamonuina e koe e pule he tagata mahani kelea?

4 Kua fofoga kia a koe po ke tau mata he tau tagata? po ke kitekite kia a koe tuga ne kitekite he tau tagata?

5 Ko e tau aho hau kia kua tuga ne tau aho he tau tagata? po ke tau tau hau kia ke tuga ne tau aho he tau tagata?

6 Ne huhu mai ai a koe ke he mahani kelea haku, mo e kumi e koe haku a tau hala.

7 Kua iloa ni e koe, nakai mahani kelea au; ti nakai ha i ai taha ke laveaki mai he tau lima hau.

8 Ne taute mo e eke ai au katoa oti ni he tau lima hau; ka kua kelipopo e koe au.

9 Kia manatu a e koe ne eke e koe au tuga ne eke ai e kelekele, to liuaki kia e koe au ke he efuefu?

10 Nakai kia liligi e koe au tuga ne puke huhu, mo e fakatuli e koe au tuga ne puke huhu tuli?

11 Ne fakatapulu e koe au ke he kili mo e kakano, mo e fakamalolo foki e koe au ke he tau huimotua mo e tau hokohoko.

12 Ne foaki mai e koe kia au e moui mo e fakaalofa, ko e hau a leveki mai foki kia au kua tumau ai haku agaaga.

13 Kua fufu foki e koe e tau mena na ke he hau a finagalo; ne iloa e au ha ha ia koe e tau mena na.

14 Kaeke kua hala au, kua kitekite mai agaia a koe kia au, ti nakai fakamagalo mai ai e koe kia au haku a tau mahani kelea.

15 Kaeke kua mahani kelea au, oi te fakaalofa kia au! kaeke foki kua mahani tututonu au, nakai ni haga hake au haku ulu; kua puke au ke he ma, kua kitekite foki au ke he haku a matematekelea;

16 Ka fakatokoluga foki e au haku ulu, ti tutuli e koe au, tuga e leona; ti liu eke e koe kia au e tau mena ke ofo ai.

17 Kua fakafou ai e koe hau a tau tagata talahau mena ke talahau mena kia au, mo e fakalahi mai e koe hau a ita kia au; kua o mai fetogiaki e tau kau kia au.

18 Ko e heigoa kia e mena ne ta mai ai e koe au he manava? Ane mate au mo e nakai kitia e taha au.

19 Po kua eke au ke tuga he nakai moui mai au; po kua uta ni au mai he manava ke he tukuaga.

20 Nakai kia gahoa haku a tau aho? Kia tokai, kia toka e koe au ke fiafia fakatote ai au,

21 To fano au ke he mena nakai liu mai ai, ko e motu ha ha i ai e pouli mo e ata he mate.

22 Ko e motu pouli kikio ke tatai ni mo e pouli tatago; ko e motu he ata he mate, nakai ha ha i ai ha mena tonu; ko e hana kikila mai kua tatai mo e pouli kiki.