Esoto

22 KAEKE ke kaiha he tagata e povi po ke mamoe, mo e keli po ke fakatau ai; kia totogi mai e ia, lima ni e povi ke totogi aki e povi, ka e fa e mamoe ke totogi aki e mamoe.

2 Kaeke ke moua e kaiha ha ne tuki e kaufale, ti keli a ia mo e matepopo ai; aua neke maligi ha toto ke totogi aki a ia.

3 Kaeke kua hake e la he moua a ia, ti maligi ai e toto ke totogi aki a ia; kia totogi ni e ia, ka nakai fai mena a ia, to fakatau a ia ke totogi aki hana kaiha.

4 Kaeke kua moua e mena ne kaiha ha ha ia ia ni, ko e povi, po ke asini, po ke mamoe kua moui agaia, kia totogi e ia ni ke takiua.

5 Kaeke ke fakatotolo he tagata ha manu ke kai ke he fonua po ke ulu vine, mo e tuku atu hana manu ke totolo mo e kai ke he fonua he taha tagata; kia totogi aki e ia ke he mena uho he hana fonua mo e mena uho he hana ulu vine.

6 Kaeke ke kaloafia taha afi, mo e moua e tau vao mahukihuki ti vela ai e tau tanakiaga saito, po ke saito kua tu agaia, po ke fonua; kia totogi ni e ia ne tafu e afi.

7 Kaeke ke tuku he taha e tau tupe po ke tau koloa ke he taha tagata ke leoleo e ia, ka e kaiha ni he fale he tagata ia; ka moua e kaiha, kia totogi ni ke takiua ni.

8 Kaeke ke nakai moua e kaiha ti uta ni e patu he fale ke he tau fakafili, kia iloa ai po ke ne fakaolo nakai hana lima ke he koloa he taha tagata.

9 Ko e tau mena oti kua talahaua kua hepehepe, po ke povi, po ke asini, po ke mamoe, po ke tapulu, po ke taha mena galo, kua pehe ai e taha ko e hana ni; kia uta e kupu ha laua ke he tau fakafili, ti ko e tagata kua fakahala he tau fakafili, kia totogi takiua e ia ke he taha.

10 Kaeke ke tuku age he taha e asini, po ke povi, po ke mamoe, po ke taha manu ke he taha tagata ke leoleo, ti mate ni, po ke fati, po ke uta kehe, ka e nakai ni kitia e taha;

11 Kia eke e ia e omonuo kia Iehova kua nakai fakaolo hana lima ke he mena he taha, kia talia ia he tagata hana e manu, aua neke totogi.

12 Kaeke kua kaiha mai ia ia, kia totogi e ia e tagata hana e manu.

13 Kaeke kua hēhē e kakano, kia ta mai ai e ia ke fakamoli aki; ko e mena kua mahehe nakai totogi ia.

14 Kaeke ke ogo manu mai e taha ke he taha, ti fatia, po ke mate, ka e nakai ha i ai e tagata hana e manu, kia totogi ni e mena ia.

15 Kaeke ko e ha i ai e tagata hana e manu, aua neke totogi ia; kaeke ko e mena eke ka e totogi kua fano a ia ha ko e hana totogi.

16 Kaeke ke ole he taha ke he tamafine tote, kua nakai fakatutane, ti mohe ni mo ia; kia āge e ia e koloa ke fakatau aki a ia mo hoana māna.

17 Kaeke kua nakai maeke hana matua ke āge a ia mana, kia age e ia ki ai e tau tupe ke lata mo e koloa ne fa fakatau aki e tau tamafine tote.

18 Aua neke toka e koe e taulatua fifine ke moui.

19 Kaeke ke mohe e taha mo e manu, kia kelipopo ni a ia.

20 Ko ia ke eke poa ke he taha atua, kia matepopo ni a ia; ko Iehova hokoia ni ke eke poa ki ai.

21 Aua neke ekefakakelea po ke favale ke he tagata kehe; ha ko e mena eke a mutolu mo tau tagata kehe i Aikupito.

22 Aua neke favale ke he fifine takape, po ke taha kua takaveli.

23 Kaeke ke favale a koe ki ai, ti tagi mai ai a ia kia au, to fanogonogo ni au ke he hana a tagi mai.

24 Ati tupu ai ni haku a ita, ti kelipopo e au a mutolu ke he pelu, ti takape ai ha mutolu a tau hoana, mo e takaveli ha mutolu a fanau.

25 Kaeke ke āge e koe e tau tupe ke he taha he haku motu, ko e tagata nofogati kua tata kia koe; aua neke eke e koe ke totogi fakalahi mai e ia; ti ua kotofa e koe kia ia ke totogi fakalahi mai.

26 Kaeke ke eke e koe e tapulu he taha tagata ke fakamau aki e fakatau; kia liuaki e koe kia ia ka e nakala to e la;

27 Ha ko e hana kafu ni a ia, ko e tapulu ni he hana tino; to kafu ha ha a ia? ka tagi mai a ia kia au ti fanogonogo ai au, ha kua fakaalofa ni au.

28 Aua neke kaialu a koe ke he tau fakafili, poke kupu kelea ke he iki he hau a motu.

29 Aua neke fakamule e koe e tau fua uluaki he hau a fonua, mo e huhua uluaki he hau a huhua vine; ko e tama tane uluaki he hau a fanau, to ta mai e koe maku.

30 To eke pihia foki e koe ke he hau a povi mo e hau a mamoe, po fitu ke toka ai ke he hana matua fifine, ka ko e aho valu ke ta mai ai e koe maku.

31 To eke a mutolu mo tau tagata tapu maku; aua foki neke kai e mutolu e manu ne hēhē ke he vao; ka e liti ai ni ke he kuli.