Kolo Toko he FATATOHI INITANETE
Kolo Toko
FATATOHI INITANETE
Faka-Niue
ā
  • ā ē ī ō ū
  • TOHI TAPU
  • TAU TOHI
  • TAU FELEVEIAAGA
  • Mika 2
  • Koe Tohi Tapu

Nakai fai vitiō ma e fifiliaga nei.

Fakamolemole, fai lekua ke moua e vitiō.

  • Koe Tohi Tapu
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
Koe Tohi Tapu
Mika 2:1-13

Mika

2 OI te fakaalofa kia lautolu kua manamanatu ke he mahani kelea mo e taute e lautolu e tau mena kelea ki luga he tau mohega ha lautolu; ka maama hake e pogipogi ti eke ai e lautolu, ha kua maeke ia kia lautolu.

2 Kua manako foki a lautolu ke he tau fonua, mo e fofo ai e lautolu, katoa mo e tau fale mo e uta ai e lautolu; kua favale atu a lautolu ke he tagata mo e hana magafaoa, ko e tagata mo e hana tufaaga.

3 Ko e mena ia kua pehe mai e vagahau a Iehova, Kitiala, kua manamanatu ai au ke he mena kelea ke he magafaoa nai, ti nakai maeke kia mutolu ke kalo kehe ai ha mutolu a tau ua, ti nakai o mo e fakatokoluga a mutolu ha ko e vaha kelea ainei.

4 To taute ai e lautolu e fakatai kia mutolu ke he aho ia, to tagi aue ai fakalahi ni, kua pehe atu, Kua maona ni a tautolu; kua hiki e ia e tufaaga he haku motu; oi te! kua uta kehe ai ia au, kua tufatufa ai e ia e tau fonua ha tautolu kia lautolu kua liliu kehe.

5 Ko e mena ia nakai ha i ai taha ia koe ke uta e afo ke fafati aki e fonua ka eke ai e vili ke he fakapotopotoaga ha Iehova.

6 Aua neke perofeta atu a mutolu, ne perofeta mai pihia a lautolu. Nakai perofeta age a lautolu kia lautolu, nakai ni mole atu e tau mena ke ma ai.

7 To pehe kia, Ko e magafaoa a Iakopo na e, Kua lolelole kia a Agaga a Iehova? Ko e tau gahua hana kia hanai? Nakai kia mitaki haku a tau kupu kia ia kua fano mo e mahani hakohako?

8 Ka e tali mai neafi kua mamatike haku a motu tuga a lautolu kua fai fi mai; kua fofo e lautolu e tapulu lahi mai he tapulu tino ha lautolu kua o age fakahanoa he puhala, ko e tagata kua haga kehe mo e tau.

9 Kua vega kehe e mutolu e tau fifine he haku motu he tau fale ha lautolu kua fiafia ai a lautolu; kua uta kehe foki e mutolu e lilifu haku mai he fanau ha lautolu tukulagi.

10 Tutu a ki luga, kia o kehe ā mutolu; ha ko e mena nakai ko e okiokihaga ha mutolu hanai; kua kelea ko e mena ia kua malaia ai a mutolu, kua lahi mahaki ni e malaia.

11 Ka fai tagata kua fano ke lata mo e hana loto mo e fakavai, kua pikopiko kua pehe mai, To perofeta atu e au kia koe ke he uaina mo e kava; to eke ni a ia mo perofeta ke he motu nai.

12 Iakopo na e, to fakapotopoto e au a mutolu oti ni; to tatanaki ni e au a lautolu, to tuku fakalataha e au a lautolu ne toe ia Isaraela, tuga ne fuifui mamoe i Posara, tuga e fuifui manu ki loto he mena ne fagai ai, to go lahi mai ni a lautolu, ha ko e motu o tagata.

13 Kua hake a ia ne ulu moumou ki mua ha lautolu, ne ulu ki lalo e lautolu, mo e o age ai ke he gutuhala, ti huhu atu ai a lautolu, ne haele atu foki e patuiki ha lautolu ki mua ha lautolu, kua mua atu foki a Iehova kia lautolu.

Tau Tohi Faka-Niue (1982-2025)
Saini ki Fafo
Saini ki Loto
  • Faka-Niue
  • Tufa
  • Tau Manako
  • Copyright © 2025 Watch Tower Bible and Tract Society of Pennsylvania
  • Tau Kupu Fakaaoga
  • Fakavēaga Fakatagata
  • Privacy Settings
  • JW.ORG
  • Saini ki Loto
Tufa