Fiafia Nakai a Koe ke Talia e Ahi Atu?

Taha mai he tau Fakamoli ha Iehova kua manako ke ahi atu ki a koe mo e lagomatai a koe ke fakalahi atu hau a lotomatala hagaao ke he Atua, hana Kautu, mo e hana a tau finagalo, tuga ne fakamau i loto he Tohi Tapu. Kua mauokafua e tau loto ha mautolu to maeke he fakailoaaga nei ke lagomatai a koe, ha koe mena to foaki atu e tau tali moli ke he tau mena vihi kua fakafehagai mo tautolu oti he vaha nei. Kua foaki atu he tau Fakamoli ha Iehova e fakaakoaga mai i loto he Tohi Tapu, ma e tagata tokotaha mo e fakamatakau, ka e nakai fai totogi.

Ti kaeke kua manako a koe ke fai tagata kua lata ke ahi atu ki a koe ke he hau a kaina, po ke ke he taha mena kua lata, kua fiafia lahi a mautolu ke taute e fakatokaaga ke taute pihia. To lagomatai atu ki a koe, ke moua nakai ni hokoia, ko e tau tali ma e hau a tau huhu faka-Tohi Tapu, ka e pihia foki ke he tau tali ke he tau mena vihi he vaha nei, kua maeke ke taute ha kua fakaaoga e tau puhala he Tohi Tapu. Ke moua e koe e fekafekauaga nei, kia tohi hifo e tau fakailoaaga ne ole ki ai i lalo hifo he mena nei mo e fakahu atu ke he kaina ne tohi he lau pepa ia.

Kua manako au ke iloa lahi e Tohi Tapu. Fakamolemole kia fakatoka la taha ke hau ki a au.