‘Tuku Age Taha Mena’

He fakapotopotoaga Kerisiano fakamua, ha ha i ai e tau manako fakatino nukua lata ke hagaaki ki ai. He igatia e tagata mo e monuina, ne fakamalolo ki a ia ke ‘tuku age taha mena’ mo mena foaki ke fakafelau mo e tau manako ia. (1 Kori. 16:1-3) Ti ko e fua he ha lautolu a fakamokoi, ne fiafia a lautolu he lafilafi “fakalahi ai foki e fakahekeaga ke he Atua he loga e tau fakaaue.”​—2 Kori. 9:11, 12.

He vaha nei kua fakatumau ni e gahua he tau tagata ha Iehova ke tupu ki mua, ti holo ki mua e manako ma e lagomataiaga fakatupe. Kua latatonu ki a tautolu foki he tumau ke ‘tuku age taha mena’ ke lagomatai ke fakakatoatoa aki e manako ia. (2 Kori. 8:3, 4) Ko e foaki ke he puhala koloa kua maeke ke taute ke he tau puhala loga. (Kikite e Watchtower, Novema 1, 2001, lau 28-9.) Kua tonuhia mogoia a tautolu ke onoono ke he mena nei ko e mena fakaalofa nukua tamai e fiafia moli.​—Gahua 20:35.