Setulu he Tau Feleveiaaga Fekafekau

Fahi Tapu Kamata ia Ianuari 14

Lologo 3

15 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. “Aoga Fekafekau Fakateokarasi ma e 2002.” Lauga he leveki aoga. Fakamalolo oti ke fakamakutu he fakamoli e tau kotofaaga ha lautolu.

20 minu: “Tau Mamatua​—Fakamahani e Fanau Hau Mai he Mukemuke.”a Putoia e tau talahauaga he Watchtower, Aperila 15, 1998, lau 32. Uiina e tau matua ke talahau e tau fua mitaki ne moua e lautolu he kamata fakamahani fakaagaga e tau fanau ha lautolu tali mai he mukemuke.

10 minu: “Talahauaga Hagaao ke he Tau Mekasini.” Tau fakataitaiaga he puhala ke foaki e Watchtower Ianuari 15 mo e Awake! Ianuari 22. Fakamalolo e tau tagata fakailoa oti ke lalago e Aho Mekasini.

Lologo 55 mo e liogi fakaoti.

Fahi Tapu Kamata ia Ianuari 21

Lologo 104

10 minu: Tau fakailoaaga he matakavi. Hokotakiaga Fakatupe. Fakatutala ke he puha “Tuku Age Taha Mena.”

13 minu: Hane Kumikumi Nakai a Koe ke he Tau Tohiaga Tapu he Tau Aho Takitaha? Ko e fakatutalaaga fakamagafaoa. Ke fakatolomaki e tau aoga he fakatutalaaga ha lautolu ma e kupu tohi he aho, kua kumikumi e lautolu e Watchtower ia Tesemo 15, 1996, lau 18, paratafa 13-14. Huhu fakaku ke he ua po ke tolu e kupu tohi ma e aho ne nakai la leva e fakaaoga, ti fakamaama e puhala kua fakamoli e vala tala ke mua atu e aoga. Peehi ko e foakiaga nei kua lata mo taha vala he fakaholoaga tumau he fakaakoaga Tohi Tapu fakamagafaoa nukua fakatoka ke fakatumau aki a lautolu ke gahuahua fakaagaga.

22 minu: “Tuku Fakamua Tumau e Kautu.”b Putoia e tau huhu gahoa ke he matapatu manatu mai he Watchtower, Sepetema 1, 1998, lau 19-21.

Lologo 168 mo e liogi fakaoti.

Fahi Tapu Kamata ia Ianuari 28

Lologo 196

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he fonua ma Ianuari. Fakaaoga e tau manatu he lau 8, fakatata fakaku ua e fakataitaiaga mekasini, taha fakaaoga e Kolo Toko Fepuari 1 ti fakaaoga he taha e Awake! Fepuari 8. Totoku e tohi ka foaki ma Fepuari, ti fakakite e tau tohi kua fai agaia he fakapotopotoaga.

25 minu: Aoga Mai he Tau Foakiaga Totonu. Lauga mai he motua kua lata, fakave ke he Tesemo 1, 2001, fakatokaaga mai he la ofisa. Kua lata e fakapotopotoaga ke lahi e numera he tau tohi he puha ke tufatufa atu: lau pepa Advance Medical Directive/Release, Identity Card, ko e tau lau pepa Health-Care Directive (HCD), Enduring Power of Attorney (EPA) mo e Advance Directive Guide. To foaki atu e tau fakamoliaga nei ke he tau tagata fakailoa papatiso ka oti e feleveiaaga a magaaho, ka e NAKAI lata ke fakapuke a magaaho. Ko e saini, fakamoli, mo e aho he tau laupepa ka taute he Fakaakoaga Tohi he Fakapotopotoaga he tapu ka hau, mo e lagomatai ka lata mai he takitaki he fakaakoaga tohi he fakapotopotoaga. Ko lautolu ka seini mo tau fakamoli kua lata ke kitia e tagata hane saini e laupepa. Kua lata ke kitekite fakaeneene e Advance Directive Guide fakamua to fakapuke e HCD mo e EPA. Kaeke ke saini e koe e HCD mo e EPA ato hoko atu ki a Ianuari 2002, kua lata ke fakapuke foki taha he fakaaoga e tau laupepa fou. Kia tohi he tau tagata fakailoa nakai la papatiso ha lautolu ni a laupepa mo e tau fanau ha lautolu he fakaaoga e vagahau mai he tau laupepa nei ke he tau tuaga mo e tau fifiliaga ni ha lautolu.

10 minu: Tau mena kua lata mo e fakapotopotoaga. Uiina e tau tagata fakailoa ke talahau e tau mena iloa he fakaaoga e lautolu e tohi Reasoning, foaki ai e tau porosua pauaki ke tali aki e tau huhu he tau tagata, po ke foaki e fakamafanaaga faka-Tohiaga Tapu mai he porosua Ka Mate a Ia ne Ofania e Koe. Liu taute moli e mena ne tupu.

Lologo 202 mo e liogi fakaoti.

Fahi Tapu Kamata ia Fepuari 4

Lologo 212

8 minu: Tau fakailoaaga he matakavi.

17 minu: “Ka e Fanogonogo Atu Fefe a Lautolu?”c Moua mai e tau talahauaga he fakapotopotoaga ke he puhala ke fakaaoga aki e tau kupu tohi. Putoia e tau huhu he Kolo Toko ia Sepetema 1, 1998, he lau 18, paratafa 17-18.

20 minu: “Tau Fakataitaiaga ka Fakaaoga he Gahua ke he Fonua.” Fakatutala he toloaga ka taute he leveki fekafekau. Ko e uho nei kua toka ai e tau fakataitaiaga nukua kitia ke he tau fufuta kua mole he Ha Tautolu a Fekafekauaga he Kautu, fakalataha mo e falu nukua fou. Ko e tau laini ne ai fai mena kua tohi ai ka fakaaoga ke tohi falu fakataitaiaga kua kitia ainei mo e kua fakamoli ai ke lauia mitaki he matakavi. Uiina e toloaga ke talahau e tau fakataitaiaga kua manako pauaki a lautolu ki ai mo e ko e ha. Fakatata taha po ke ua ka fakaaoga mo e tohi ka foaki ma Fepuari. Fakamalolo e tau tagata fakailoa oti ke leveki e uho nei mo hagaao ki ai ka tauteute ma e fekafekauaga.

Lologo 224 mo e liogi fakaoti.

[Tau Matahui Tala]