Setulu he Tau Feleveiaaga Fekafekau

Fahi Tapu Kamata ia Aokuso 12

Lologo 76

13 minu: Tau fakailoaaga he matakavi. Fifili e Tau Fakailoaaga he Ha Tautolu a Fekafekauaga he Kautu. He fakaaoga e tau manatu he lau 7, fakaaoga ua e fakataitaiaga kehekehe ke foaki aki e Watchtower Aokuso 15 mo e Awake!, Aokuso 22. He tau fakataitaiaga takitaha, igatia fakakite e puhala ka felauaki mo e tagata taofi fakatutalaaga “Ko e ha a mutolu ne ahi tumau mai ai?”​—Kikite e tohi Reasoning, lau 20.

20 minu: “Fakatoka e Tau Foliaga Fakaagaga.”a Ka fakatutala e paratafa 5, putoia e tau talahauaga atihake hagaao ke he paionia tumau mo e misionare mo e fekafekauaga he Peteli mai he tohi Our Ministry, lau 114-16.

12 minu: Tau mena tutupu he matakavi. Uiina e fakapotopotoaga ke talahau e tau mena tutupu ne moua e lautolu he fakaaoga e tuleke Manako Nakai a Koe ke Iloa Lahi e Tohi Tapu? Kua kamata nakai ha fakaako Tohi Tapu? Ka pihia, fakamaama e puhala po ke liu fakataitai taha po ke ua e mena tutupu. Liu fakamanatu e puha “Tau Magaaho ke Tufatufa e Tuleke” he Ha Tautolu a Fekafekauaga he Kautu ia Novema 2001, lau 4.

Lologo 123 mo e liogi fakaoti.

Fahi Tapu Kamata ia Aokuso 19

Lologo 182

12 minu: Tau fakailoaaga he matakavi. Hokotakiaga fakatupe. Fakatutala ke he “Fakaholoaga Fou he Toloaga he Aho Pauaki.” Fakailoa e aho ma e aho toloaga pauaki ka hau, ti fakamafana e tau tagata oti ke hohoko atu tuai mo e ke fanogonogo ke he fakaholoaga katoa. Fakamafana e tau tagata fakailoa ke uiina a lautolu ne fiafia fou mo e tau tagata fakaako Tohi Tapu.

15 min: Ko e Heigoa ne Taofi Ai a Lautolu? Fakatutalaaga mo e fakataitaiaga he toloaga. Ne fa felauaki a tautolu he fekafekauaga mo e tau tagata kua maimaina ke fakatutala ke he ha lautolu a tau taofiaga. Kua fakalaga he mena nei e fakakaupaaga kua maeke ke puipui a tautolu he tutala atu e fekau he Kautu. Ka mailoga e tautolu e kakano ne maimaina e tagata, to lagomatai he mena nei a tautolu ke tauteute e talahauaga kua maeke ke fakakite hana manatu. Fakatutala ke he puhala kua liga hikihiki e tautolu e tau fakataitaiaga ha tautolu ka felauaki mo e tau vahega tagata pehenai: (1) Ko lautolu ne nakai fiafia ke he lotu, ti pihia foki mo e ha lautolu ni. (2) Lautolu kua pipiki mau ke he tau aga fakalotu tuai ne fakagahua he ha lautolu a magafaoa mo e tau tupuna. (3) Lautolu kua ukauka ke tutala hagaao ke he taofiaga ha lautolu ha kua temotemoai e lalagoaga faka-Tohiaga Tapu ha lautolu ne iloa. (4) Ko lautolu ne onoono hifo ki a tautolu ha ko e tau talahauaga hehe ne taute he tau tagata totoko. Hikihiki a lautolu na ke lautonu mo e fonua he matakavi, he hagaaki ke he tau aga ne fa felauaki mau ki ai. Putoia e fakataitaiaga ku he fakakite e puhala ke takitaki atu e tagata ke he fakatutalaaga faka-Tohiaga Tapu.

18 minu: “Fakakite e Fakamoli Faka-Kerisiano ka Tuku ki Tua e Tagata he Magafaoa.”b (Paratafa 1-8) Ke lauga he motua lata mitaki he fakaaoga e tau huhu nukua foaki. Kia totou fakalahi he matakainaga tane totou mitaki e tau paratafa takitaha.

Lologo 136 mo e liogi fakaoti.

Fahi Tapu Kamata ia Aokuso 26

Lologo 189

10 minu: Tau fakailoaaga he matakavi. He fakaaoga e tau manatu he lau 7, fakaaoga e paionia tumau po ke fakaku ke fakatata e puhala ke foaki aki e Kolo Toko Sepetema 1 mo e fakaaoga e tagata fakailoa he fakapotopotoaga ke fakakite e puhala ke foaki e Awake!, Sepetema 8. Fakamalolo e tau tagata fakailoa oti ke fakaaoga e kupu tohi he fakataitaiaga ha lautolu.

17 minu: “Kia Eke mo Tagata Matutaki!”c Fakahiku, fakamalolo e tau tagata fakailoa ke liu fakamanatu e veveheaga “Aga ke Fakatolomaki e Tau Puhala Fakatutalaaga” he tohi Benefit From Theocratic Ministry School Education, lau 62-5.

18 minu: “Fakakite e Fakamoli Faka-Kerisiano ka Tuku ki Tua e Tagata he Magafaoa.”d (Paratafa 9-14) Ke lauga he motua lata mitaki he fakaaoga e tau huhu nukua foaki. Kia totou fakalahi he matakainaga tane totou mitaki e tau paratafa takitaha.

Lologo 125 mo e liogi fakaoti.

Fahi Tapu Kamata ia Sepetema 2

Lologo 84

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotakiaga he fonua ma Aokuso. Talahau fakaku e vala tala “Totou mo e Fanau Hau” he Watchtower ia Me 1, 1999, lau 25.

20 minu: Mautauteute Ato Fano a Koe. Fakatutalaaga mo e fakataitaiaga. Lafi e fakatokatokaaga mitaki ke he lauiaaga mitaki ha tautolu ke he fonua. Ko e mena ia, taute tuai: (1) Moua e tau tohi ka fakaaoga e koe. (2) Iloa moli kua loga e tau lau fakamau he taha fale ke he taha fale mo e pene po ke penetala. (3) Ka manako puhala fenoga a koe, fakatokatoka e tau fakaholoaga puhala fenoga kua latatonu. (4) Manamanatu ke he tau liu ahi atu kua fakatokatoka e koe ke taute. (5) Tauteute e mena hau ka tutala ki ai. Kaeke ko koe ka taute e feleveiaaga ma e gahua he fonua, moua fakalahi e matakavi gahua. Fakatutala mo e toloaga ua po ke tolu e puhala ke foaki aki e tohi Fiafia he Magafaoa ke he fekafekauaga ia Sepetema. Fakataitai ai taha, ti fakaaoga e kupu tohi he fakatutalaaga.​—Kikite e tau manatu he Our Kingdom Ministry, Mati 1997, lau 8, mo e Sepetema 1997, lau 8.

15 min: Tau mena kua lata mo e fakapotopotoaga. Po ke uiina e fakapotopotoaga ke talahau e tau mena tutupu he fakamatala he ha magaaho, liga he talahau atu e tala mitaki ke he tau tagata he tau tuaga motoka, he tau peleoafi papiliki, he tau paaka, he tau fale koloa, he tau tuaga tulaki, mo e falu matakavi tolo. Liu fakataitai taha po ke ua e tau mena tutupu.

Lologo 99 mo e liogi fakaoti.

[Tau Matahui Tala]