Setulu he Tau Feleveiaaga Fekafekau

MAILOGA: To fakatumau e Ha Tautolu a Fekafekauaga he Kautu ke setulu e Feleveiaaga Fekafekau ma e tau fahitapu takitaha he tau mahina tolu ka hau. Lata he tau fakapotopotoaga ke taute e tau hikihikiaga ke maeke ke o atu ke he Fonoaga Fahimotu “Tau Tagata Fakapuloa Fakamakai he Kautu.” Ka latatonu, fakaaoga e 15 minuti he Feleveiaaga Fekafekau fakahiku ato o atu ke he fonoaga ke fatiaki e fakatonuaga mai he uho he mahina nei nukua aoga ke he fakapotopotoaga. Ia Tesemo, po ke mataulu he tau ka hau, ko e vala he Feleveiaaga Fekafekau ka liu fakamanatu e tau matapatu manatu he fakaholoaga he fonoaga. Ke tauteute ma e fakatutalaaga ia, igatia a tautolu mo e fakamau hifo e tau manatu kakano he fonoaga, fakalataha mo e tau manatu pauaki kua manatu a tautolu ke fakaaoga ni e tautolu ke he tau momoui takitokotaha ha tautolu mo e he fekafekauaga. Ati maeke ia tautolu ke fakamaama e puhala kua fakagahua e tautolu e tau manatu ia tali he o mai he fonoaga ia. To fakamafana lahi ke logona e puhala he falu ka talahau kua aoga ha ha ki a lautolu e tau fakaakoaga mitaki nukua moua.

Fahi Tapu Kamata ia Sepetema 9

Lologo 209

15 min: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakaaoga e tau manatu he lau 6, taute ua e fakataitaiaga ke he puhala ke foaki e Watchtower Sepetema 15 mo e Awake!, Sepetema 22. He tau fakataitaiaga takitaha, fakakite e tau puhala kehekehe ke felauaki mo e taofi fakatutalaaga “Nakai fiafia au ke he Tau Fakamoli a Iehova.”​—Kikite e tohi Reasoning, lau 17-18.

12 minu: “Fakamakona Hau a Manako Fakaagaga.” Lauga mo e fakatutala auloa. Mailoga e tau kakano kua lata ia tautolu oti ke fanogonogo fakalahi ke he fakaholoaga he fonoaga. Peehi e lata ke fakaaoga e tau mena ne iloa e tautolu ka e nakai he logona hokoia. Kikite e fakailoaaga i luga hagaao ke he fakaholoaga ma e Aoga Fekafekau ia Tesemo po ke mataulu he 2003, ka liu fakamanatu e tau matapatu manatu he fonoaga he fahimotu. Fakamalolo e tau tagata oti ke fakamau hifo. Uiina falu talahauaga hagaao ke he tau aoga ne moua mai he fakaholoaga he tau kua mole.

18 minu: “Tapulu mo e Tauteuteaga kua Gali.”a Ke lauga he motua, ti totou e ia e tau paratafa takitaha he mole atu e fakatutala ki ai. Lagomatai e tau tagata oti ke loto fakaaue ke he kakano kua aoga ke mailoga e tauteuteaga fakatagata ha tautolu he toloaga.

Lologo 122 mo e liogi fakaoti.

Fahi Tapu Kamata ia Sepetema 16

Lologo 163

8 minu: Tau fakailoaaga he matakavi. Hokotakiaga fakatupe. Fakamalolo e tau tagata oti ke liu fakamanatu e tau fakamaumauaga ha lautolu mai he fakaholoaga he toloaga he takaiaga kua mole he tauteute ma e Feleveiaaga Fekafekau he tapu ka hau.

10 minu: Fefe e Tuaga ha Tautolu he Tau kua Mole? Lauga he leveki fekafekau. Talahau e tau matapatu he hokotaki he fakapotopotoaga ma e tau he fekafekauaga he 2002. Fakamalolo e tau tagata oti kana ma e tau mena mitaki ne taute. Hagaaki ke he holoaga he fakapotopotoaga he fakalataha ke he feleveiaaga, he liu ahi atu mo e gahua fakaako Tohi Tapu, mo e paionia fakaku, ti fakatoka e tau lagomataiaga aoga ke fakatolomaki ki mua. Fakatoka e tau foliaga ke foli atu ma e tau ka hau.

13 minu: “Lagomatai e Falu ke Fakaheke a Iehova.”b Ka fai magaaho, totoku taha po ke ua e manatu aoga he tohi Reasoning, lau 196-9.

14 minu: Ko e Tau Paleko kua Fehagai mo e Tau Matua Tokotaha. Huhu atu e motua ke he taha po ke ua e matua tokotaha (po ko lautolu ne nakai Fakamoli e hoa) ke kitia e puhala kua fahia a lautolu mo e tau lekua ne felauaki mo e fakamahaniaga, akoanakiaga, mo e fakaagaga he takitaki ha lautolu a tau fanau. Maeke fefe ia lautolu ke leveki e tau matagahua fakamagafaoa mo e o tumau ke he tau feleveiaaga mo e ke gahua he fonua? Talahau falu lagomataiaga ne fakakite mai he tohi Fiafia he Magafaoa, lau 104-10. He tuhi mai he lau 113-15, totoku e tau puhala aoga ke maeke he falu ke lagomatai.

Lologo 149 mo e liogi fakaoti.

Fahi Tapu Kamata ia Sepetema 23

Lologo 107

10 minu: Tau Fakailoaaga he matakavi. Fakaaoga e tau manatu he lau 6, ti fakaaoga e motua ke fakataitai e puhala ke foaki e Kolo Toko, Oketopa 1 mo e fakaaoga e fekafekau lagomatai ke fakakite e puhala ke foaki e Awake!, Oketopa 8. Ka mole e tau fakataitaiaga takitaha, liu talahau e taha po ke ua e tau kupu hafagi ne fakaaoga ke fakalagalaga aki e fiafia he tagata he kaina.

10 minu: Tau mena kua lata mo e fakapotopotoaga.

25 minu: “Kia Matakutaku a Mutolu ke he Atua, mo e Ta Age Kia Ia e Fakahekeaga.” (Fakakite. 14:7) Lauga mo e fakatutala auloa he liu fakamanatu e fakaholoaga he toloaga he takaiaga ne taute he tau he fekafekauaga kua mole atu. Uiina e fakapotopotoaga ke talahau e tau matapatu manatu ne ako mai mo e fefe e puhala ke fakaaoga e lautolu ki a lautolu takitokotaha po ke tau matakau magafaoa. (Kotofa tuai e tau valavala.) Talahau e tau vala he fakaholoaga nei: (1) “Lagomatai a Lautolu kua Fou ke Feaki e Matakutaku Atua.” Maeke fefe a tautolu ke lagomatai a lautolu ne fiafia he o mai ke he Fakamanatuaga ke tolomaki mo e hakahakau ko e tau fekafekau ha Iehova? (2) “Matakutaku ki a Iehova kua Kakano ke Vihiatia e Kelea.” (w87 4/15 16-18) Maeke fefe he Tau Fakatai 6:16-19 ke lagomatai a tautolu ke fuluhi kehe mai he tau mena ne vihiatia e Iehova​—ko e fakatokoluga, pikopiko, tutuli e velevelekoloa, tau fakafiafiaaga nakai mitaki, fakaaoga hehe he Internet? (3) “Fakatata Fakalahi Atu ki a Lautolu kua Ofania e Koe.” Kua fakaalofa a tautolu ki a Iehova, Iesu, tau tagata he magafaoa, falu he fakapotopotoaga; maeke fefe e fakatata atu ki a lautolu ke puipui a tautolu mai he lalolagi? (4) “Matakutaku kia Iehova, Nakai ke he Tau Tagata.” Maeke fefe he matakutaku nakai fakafiafia a Iehova ke lagomatai a koe ke fahia mai he fuafuakelea ke fakamatala, pipiki ke he tau matapatu fakaakoaga mahani Atua he gahuaaga po ke aoga, po ke totoko e peehiaga mai he takitaki gahua hau ke tonoa e tau feleveiaaga, tau toloaga, mo e tau fonoaga? (5) “Taute e Tau Mena Oti ke he Fakaheke he Atua.” (Sala. 119:37; Hepe. 4:13) Ko e ha e matakutaku mahani Atua kua puipui a tautolu mai he inu lahi, he kitekiteaga he tau mena telefua, po ke taute falu agahala fufu? (6) “Fakatauo Tumau he Matakutaku ha Iehova.” Kua fakamonuina fefe e Iehova a koe he fakagofua hana agaga ke gahuahua katoatoa he moui hau?​—Sala. 31:19; 33:18; 34:9, 17; 145:19.

Lologo 171 mo e liogi fakaoti.

Fahi Tapu Kamata ia Sepetema 30

Lologo 116

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he gahua he fonua ma Sepetema.

17 minu: Ko e Heigoa Ati Kehe e Tau Mekasini ha Tautolu? Lauga mo e fakatutala auloa. Ia Oketopa to fakakite e tautolu The Watchtower mo e Awake! Fakatutala e tau kakano kua kehe e tau mekasini ha tautolu: (1) Kua fakatokoluga ai e higoa ha Iehova. (2) Kua fakamalolo ai e tua ia Iesu. (3) Kua fakailoa ai e Kautu he Atua. (4) Kua hagaaki fakatonu ai ke he Tohi Tapu ko e pule fakahiku. (5) Kua fakamaama ai e fakamoliaga he perofetaaga he Tohi Tapu. (6) Kua fakamaama ai e kakano moli he tau mena tutupu he lalolagi. (7) Kua fakakite ai e puhala ke fahia ke he tau lekua he vaha nei. (8) Kua fakalagalaga ai e tau tagata he tau puhala momoui kehekehe. (9) Kua tu uho ai fakapolitika. Fakakite ua e fakataitaiaga ku, igatia mo e fakakite e puhala he tau manatu nei ke fakaaoga he kamata aki e fakatutalaaga.

18 minu: “Fakakite e Loto Fakaaue ma e Tau Koloa Fakateokarasi.”c Ke lauga he motua. Putoia e tau talahauaga ke he mena kua fita he kitia ke he matakavi mo e mena ka taute he fakapotopotoaga ke fakaaoga fakamitaki e tau tohi ha tautolu. Fakamafana e tau tagata oti ke fakakaupa e ole tohi ke he mena kua fakaaoga moli. Manatu e kotofaaga ke foaki fakatupe he lagomatai aki e gahua he lalolagi katoa.​—Kikite “Fakafetuiaki mo e Falu Lautataiaga ke he Tau Manako ha Lautolu,” he Our Kingdom Ministry, Novema 1996, lau 3.

Lologo 21 mo e liogi fakaoti.

Fahi Tapu Kamata ia Oketopa 7

Lologo 129

10 minu: Tau fakailoaaga he matakavi.

15 min: Tumau ke he Kupu Moli he Aoga. Huhu ke he taha po ke ua e tagata fakailoa fano aoga kua mailoga e lata ke fakakaupa e fio mo e tau kapitiga aoga nakai tua. Fefe e fakaholoaga ha lautolu ke felau mo e tau paleko mo e tau lagatau ne fakakite he tau faiagahau fakamotu, tau koli aoga mo e fakapotopoto matakau, tau sipoti lafi ki luga, mo e tau mahani kiva? Putoia e tau talahauaga hagaao ke he tau puhala kua pulega e lautolu ke fakamatala he aoga.

20 minu: “Kalo Kehe he Tutuli e ‘Tau Mena Noa.’”d He mole e fakatutala e paratafa 4, putoia e tau talahauaga he uho he Ha Tautolu a Fekafekauaga he Kautu ia Novema 1999, paratafa 30-2. Ka fakatutala e paratafa 5, putoia e tau talahauaga he puha he Kolo Toko, Oketopa 1, 1994, lau 8. Fakalataha mo e paratafa 6, totou e paratafa 18 he uho ha Novema 1999.

Lologo 105 mo e liogi fakaoti.

[Tau Matahui Tala]