Setulu he Tau Feleveiaaga Fekafekau

Fahi Tapu Kamata ia Tesemo 9

Lologo 193

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakaaoga e tau manatu he lau 6, taute e tau fakataitaiaga he puhala ke foaki e Watchtower, Tesemo 15 mo e Awake!, Tesemo 22.

35 minu: “Aoga Katoatoa Mai he Fonoaga Fahimotu ‘Tau Tagata Fakapuloa Fakamakai he Kautu.’” Ke taute he takitaki he Fakaakoaga Kolo Toko. Mui mai he fakafeleveiaaga taha minuti, fakatutala auloa ke he fakaholoaga he fonoaga fahimotu, he fakaaoga e tau huhu ne fakakite mai he vala tala. Fakatokatoka fakamitaki e magaaho hau. Kia putoia e tau talahauaga kuku ke fakamanatu mai aki e tau matapatu manatu. Ka latatonu, huhu ke he toloaga ma e puhala kua fakaaoga e lautolu e tau mena ne ako e lautolu mo e tau aoga kua moua e lautolu he taute pihia.

Lologo 119 mo e liogi fakaoti.

Fahi Tapu Kamata ia Tesemo 16

Lologo 29

12 minu: Tau fakailoaaga he matakavi. Hokotakiaga fakatupe. Fakatoka e tau fakatokatokaaga pauaki ma e gahua he fonua ma Tesemo 25 mo Ianuari 1.

15 min: “Fakapuloa e Fekau he Kautu.”a Ka fakatutala e paratafa 3, putoia e tau talahauaga ke he puhala ke totou fakahako mai he Tohi Tapu ka foaki e tala mitaki.​—km 5/01 lau 1 para. 2, 4.

18 minu: Fua Mitaki ke he Tau Gahua Mitaki Oti. Lauga, mo e fakatutalaaga auloa. Ke taute he motua. Liu fakamanatu e gahua i tuai mo e holo ki mua he fakapotopotoaga, putoia e tau laliaga ne takitaki atu ke he fakatu e fakapotopotoaga. Fakatokatoka tuai mo e falu kua ha ha ke he magahala ia ke talahau e tau iloaaga atihake. Manamanatu ke he tau amaamanakiaga ke malikiti atu ki mua, ti fakamalolo oti ke lalago fakamakai e tau matagahua he fakapotopotoaga.

Lologo 154 mo e liogi fakaoti.

Fahi Tapu Kamata ia Tesemo 23

Lologo 148

10 minu: Tau fakailoaaga he matakavi. He fakaaoga e tau manatu he lau 6, fakataitai e puhala ke foaki e Kolo Toko, Ianuari 1 mo e Awake!, Ianuari 8.

15 min: Tau mena kua lata mo e fakapotopotoaga.

20 minu: “Lagomatai Nakai a Koe ke he Hokotakiaga Hako?”b Ka fakatutala e paratafa 2, putoia e tau talahauaga he tohi Our Ministry, lau 106-8.

Lologo 165 mo e liogi fakaoti.

Fahi Tapu Kamata ia Tesemo 30

Lologo 152

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotakiaga he gahua he fonua ha Tesemo. Ka hiki e magaaho feleveia he fakapotopotoaga hau ma e tau fou, kia fakamafana totonu ke he tau tagata oti ke o mai tumau he tula fou ia. Talahau e tohi foaki ma Ianuari, ti fakakite e tau tohi ne toe agaia ke he puha he fakapotopotoaga.

17 minu: Fakatau e Magaaho ke Totou mo e Fakaako. Lauga mo e fakatutalaaga auloa ne fakave ke he vala tala he Kolo Toko, Oketopa 1, 2000, lau 28-32. Uiina e toloaga ke talahau e tau puhala aoga ne moua e lautolu e magaaho ma e tau mena kua mua atu e aoga he fakatote hifo e tau matagahua nakai aoga. Peehi e lata ke fakatokatoka e magaaho he taha ma e fakaako fakatagata mo e fakamagafaoa, tau feleveiaaga he fakapotopotoaga, fekafekauaga he fonua, mo e totou e Tohi Tapu he tau aho takitaha.

18 minu: Ko e Ha ne Nakai Tua Ai? Fakatutala auloa. Fa feleveia a tautolu mo e tau tagata ne temotemoai e tua. (2 Tesa. 3:2) Ke hokotia ki a lautolu e kupu moli hagaao ki a Iehova, kua lata fakamua ia tautolu ke lali ke fifili e mena ne fakalagalaga e tau manamanatuaga ha lautolu ke he Atua. Mailoga la fa e puhala ne totoku he tohi Reasoning, lau 129-30, kua maeke ke fakatauhele e tau tagata he moua e tua. Uiina e toloaga ke talahau e puhala ka fakaaoga ke he tau tuaga takitaha. Talahau e mena tupu ke he puhala lauia mitaki, po ke fakaaoga taha i loto he Awake!, Sepetema 22, 1995, lau 19-20.

Lologo 147 mo e liogi fakaoti.

Fahi Tapu Kamata ia Ianuari 6

Lologo 67

10 minu: Tau fakailoaaga he matakavi.

15 min: To Maama e Tau Tagata Iloilo. (Tani. 12:3, 10) Ko e fakataitaiaga. Kua huhu e tagata fiafia: “Maeke fefe ia au ke iloa moli kua moua e koe e maama hako ke he mena kua fakaako he Tohi Tapu?” Fakamaama he tagata fakailoa e puhala ke fakaaoga e puhala he mataulu tala ka taute e tau kumikumiaga ke he Tohi Tapu. (w96 6/1 lau 17-18) He fakaaoga taha po ke ua e fakataiaga mai he tohi Reasoning, lau 112-17, ne fakakite e ia e puhala kua maeke ia tautolu ke maama e finagalo he Atua ma e lalolagi he faala fakamatafeiaga e tau kupu Tohiaga Tapu. Fakamaama he tagata fakailoa e puhala taha ke fakaaoga ke maaama fakahako e falu fakaakoaga Tohi Tapu mo e foaki e fakaakoaga Tohi Tapu.

20 minu: “Manatu a Lautolu kua Momotua ne Fakamoli.”c Putoia e tau talahauaga he Watchtower ia Aokuso 1, 1994, lau 29. Talahau e fakatokaaga ma lautolu ne kulikuli ke hokotaki aki e gahua he fonua ke 15 e tau minuti. Fakatoka e tokogahoa ke talahau e tau iloaaga he fakakite e puhala he feoakiaga mo lautolu ia ka tamai e tau monuina fakalataha.

Lologo 79 mo e liogi fakaoti.

[Tau Matahui Tala]