Setulu he Tau Feleveiaaga Fekafekau

Fahi Tapu Kamata ia Fepuari 10

Lologo 4

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakamalolo e tau tagata oti ke kitekite e vitio Faithful Under Trials​—Jehovah’s Witnesses in the Soviet Union he tauteute ma e fakatutalaaga ke he Feleveiaaga Fekafekau he fahi tapu ia Fepuari 24. He fakaaoga e tau manatu he lau 8, taute ua e fakataitaiaga kehekehe ke foaki aki e Watchtower, Fepuari 15 mo e Awake!, Fepuari 22. He tau fakataitai takitaha, kua lata e tau mekasini ua ke foaki fakalataha, pete he taha ni ka fakatata.

35 minu: “Fakamatala mo e Talahau Fakatonu Atu.”a Ke taute he leveki fekafekau. Fakamalolo a lautolu oti kua maeke ke paionia fakaku ia Mati mo Aperila. Uiina a lautolu ne paionia he magahala Fakamanatuaga kua mole ke fakakite manatu. Fakatoka fefe a lautolu ke paionia? Ko e heigoa e laliaga mo e tau hikihikiaga ne lata mo e mena nei? Ko e heigoa e tau olioli mo e tau monuina ne moua e lautolu? Liu kitekite ke he tau setulu fakatai he puha he lau 4. Fakailoa ko e tau lau fakapuke ma e paionia fakaku to moua ka oti e feleveiaaga.

Lologo 30 mo e liogi fakaoti.

Fahi Tapu Kamata ia Fepuari 17

Lologo 48

10 minu: Tau fakailoaaga he matakavi. Hokotakiaga fakatupe. Liu kitekite ke he tohi foaki ma Mati. Talahau taha po ke ua e fakataitaiaga ke foaki e tohi Iloilo, he fakaaoga e tau manatu mai he uho he Ha Tautolu a Fekafekauaga he Kautu ia Ianuari 2002. Peehi e foliaga ke kamata e tau fakaako Tohi Tapu he kaina.

15 min: “Fakaata Nakai e Koe e Kaina Hau?” Lauga mai he leveki fakaakoaga tohi. Putoia e tau talahauaga he tau Puha Huhu he Ha Tautolu a Fekafekauaga he Kautu ia Aperila 2001 mo e Our Kingdom Ministry ia Fepuari 1990. Talahau e numera he tau matakau fakaakoaga tohi he fakapotopotoaga mo e evalesi ha lautolu ne hohoko atu. Fakaaoga taha po ke ua e tagata fakailoa ke talahau e puhala kua aoga a lautolu mo e tau magafaoa ha lautolu he taute e fakaakoaga tohi he kaina. Ko e ha tagata ka manako ke fakaata ha lautolu a tau kaina kua lata ke fakailoa atu ke he leveki fakapotopotoaga.

20 minu: “Ko e Heigoa e Mena Fakamua Hau?”b Fakatoka tuai mo e taha po ke ua e tagata fakailoa ke talahau e puhala kua maeke ia laua ke hikihiki e tau tutuaga ha laua ke maeke ke fakalahi atu e gahua he fekafekauaga.

Lologo 57 mo e liogi fakaoti.

Fahi Tapu Kamata ia Fepuari 24

Lologo 74

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotakiaga he gahua ke he fonua ia Fepuari. Fakaaoga e tau manatu he lau 8, taute ua e fakataitaiaga kehekehe ke he puhala ke foaki e Kolo Toko, Mati 1 mo e Awake!, Mati 8. He tau fakataitai takitaha, lata e tau mekasini ua ia ke foaki fakalataha, pete he taha ni ka fakatata.

10 minu: “Lagomatai he Magaaho kua Lata Ai.” Lauga he motua. Talahau e laliaga pauaki ne taute ke lagomatai a lautolu kua lolelole nukua fakakite e manamanatu fakaalofa ha Iehova ma e hana tau tagata.

25 minu: “Ko e Vitio ka Fakamaama mo e Fakaohooho a Koe!” Tutala fakahako mo e toloaga ke he vitio Faithful Under Trials, he fakaaoga e tau huhu kua tuku mai. Kia vehevehe fakamitaki e magaaho ke maeke ke loga e tali ke he huhu fakahiku. Fakaoti ai he totou e puha he lau 192 he 2002 Yearbook.

Lologo 56 mo e liogi fakaoti.

Fahi Tapu Kamata ia Mati 3

Lologo 14

10 minu: Tau fakailoaaga he matakavi. Tutala fakaku ke he “Fakaholoaga Fou ma e Tau Fata Tohi he Tau Fale he Kautu.” Totoku a ia ka eke mo tagata leveki tohi ma e fata tohi he Fale he Kautu.

15 min: Tau mena kua lata mo e fakapotopotoaga.

20 minu: “Kia Nonofo Fakalatalata ha kua Tata Mai e Fakaotiaga.”c Ka fakatutala e paratafa 3-4, uiina e tau tagata fakailoa ke talahau e tau foliaga fakaagaga hane tutuli a lautolu mogonei ki ai.

Lologo 127 mo e liogi fakaoti.

[Tau Matahui Tala]