Setulu he Tau Feleveiaaga Fekafekau

Fahi Tapu Kamata ia Mati 10

Lologo 5

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. He fakaaoga e tau manatu he lau 8, fakataitai e puhala ke foaki e Watchtower Mati 15 mo e Awake!, Mati 22. He tau fakataitaiaga takitaha, kua lata e tau mekasini ua ia ke foaki fakalataha, pete he taha ni ka fakamaama.

15 min: Puhala ke Fakakakano Mai he Tau Tohiaga Tapu. Fakatutalaaga auloa. Maeke fefe a tautolu ke feaki e lotomatala ke fakakakano fakamitaki mo e tau tagata he fekafekauaga? (1) Moua e maamaaga he iloilo ke he tau Tohiaga Tapu puhala mai he tumau ke he fakaako fakatagata mo e o atu ke he feleveiaaga. (2) Manamanatu hokulo ke he mena kua ako e koe, he kumikumi e tau kupu moli mai he tau tutuaga kehekehe. (3) Kia nakai ni kumi e tau fakamaamaaga he tau kupu tohi ka e pihia foki mo e tau kakano faka-Tohi Tapu i ai. (4) Manamanatu ke he puhala ka fakamaama e koe e tau kupu tohi ke he tau vahega tagata kehekehe. (5) Manamanatu ke he puhala ka liga fakatata e koe e tau manatu pauaki.

20 minu: “Kia Fakamakamaka ke he Mahani Mitaki!”a (Paratafa 1-12) He mole e fakatutala ke he paratafa 6, fakataitai fakaku he tagata fakailoa e uiina ke he magafaoa, katofia, kapitiga aoga, po ke kapitiga gahua ke he Fakamanatuaga, he fakaaoga e uiina ne fita he lomi. Ka nakai la tufa ia, kua lata e tau uiina he Fakamanatuaga ne lomi ke fakatoka mai ka oti e feleveiaaga nai.

Lologo 19 mo e liogi fakaoti.

Fahi Tapu Kamata ia Mati 17

Lologo 34

10 minu: Tau fakailoaaga he matakavi. Hokotakiaga fakatupe.

15 min: Kia Pulotu he Fifili e Tau Kapitiga Hau. Lauga he motua ne fakave ke he Awake!, ia Fepuari 22, 1997, lau 13, mo e vala tala i lalo he mataulu “Bad Associations” he lau 189 he tohi Reasoning. Fakakite e puhala he tau matapatu fakaakoaga kua gahuahua ke he tau fuata mo e tau tagata lalahi. Fakamaama e tau aoga he fifili mo tau kapitiga a lautolu kua fakaalofa ki a Iehova mo e fakatata kua tutuli a lautolu ke pipiki mau ke he hana tau tutuaga.

20 minu: “Kia Fakamakamaka ke he Mahani Mitaki!”b (Paratafa 13-26) Ke taute he leveki fakapotopotoaga. Ka hoko ke he paratafa 14, taute he motua e fakataitaiaga ku he ahi atihake atu ke he matakainaga tane ne gagao, ati fakamaama totonu e ia e puhala kua maeke he matakainaga tane ke fakalataha fakalahi atu ke he gahua he fakapotopotoaga ke he magahala Fakamanatuaga.

Lologo 53 mo e liogi fakaoti.

Fahi Tapu Kamata ia Mati 24

Lologo 72

10 minu: Tau fakailoaaga he matakavi. He fakaaoga e tau manatu he lau 8, fakatata e puhala ke foaki e Kolo Toko, Aperila 1 mo e Awake!, Aperila 8.

15 min: Tau mena kua lata mo e fakapotopotoaga.

20 minu: Tau Fakamoli a Iehova​—Ko e Kau Malolo ma e Mitaki he Maaga. Lauga mo e fakatutala auloa. He falu magaaho ha ha ia tautolu e tuaga mitaki ke fakakite e puhala he fekafekauaga mo e fakafifitakiaga ha tautolu nukua aoga ke he maaga. Uiina e toloaga ke fai talahauaga ke he tau manatu na: (1) Kua fakaako e tautolu e tau tagata ke momoui ke he tau puhala he mahani he Tohi Tapu. (2) Kua fakaako e tautolu e mahani fakamoli mo e fakalilifu ke he pule. (3) Kua fakaako e tautolu e tataiaga he tau lanu, tau motu, mo e tau vahega tutuaga. (4) Lagomatai e tautolu e falu ke fakatupu ki mua ha lautolu a moui magafaoa he fakamalolo a lautolu ke fakagahua e tau matapatu fakaakoaga he Tohi Tapu. (5) Ne fakaako e tautolu e tokoafe ke totou mo e tohi. (6) Kua eketaha atu a tautolu ke lagomatai e falu he tau magaaho tupu fakaofo. (7) Kua taute e tautolu e vala aoga lahi he puipui e tokanoaaga fakalotu ne olioli e tautolu.​—Kikite e tohi Proclaimers, lau 699.

Lologo 121 mo e liogi fakaoti.

Fahi Tapu Kamata ia Mati 31

Lologo 130

12 minu: Tau fakailoaaga he matakavi. Fakamanatu oti ke tuku e tau hokotaki he fonua ia Mati. Talahau e tohi ka foaki ma Aperila. Liu fakamanatu he “Fakaaoga e Tohi Worship God ke Taute e Tau Fakaakoaga Tohi Tapu.” Fakatutala ke he tau matapatu manatu he “Tau Fakamanatu ma e Fakamanatuaga.”

13 minu: Tau mena tutupu he matakavi. Uiina e fakapotopotoaga ke talahau e tau mena tutupu ne olioli ke he magahala ne fakatolomaki aki e gahua ia Mati. Nava ki a lautolu ma e tau laliaga ha lautolu, ti fakamalolo oti ke fakalataha katoatoa ka maeke ia lautolu ia Aperila.

20 minu: “Lata ke Fakaheke Fakalahi ki a Iehova.”c Peehi e aoga he Fakamanatuaga. Fakakite e aoga kua maeke he tau tagata oti ke lagomatai e falu ke fakalataha mai. Fakamaama e mena ke taute ke matutaki mo lautolu kua lolelole ke liu fakatupu e fiafia ha lautolu. Uiina e toloaga ke talahau e ha mena ne tupu mai he fakamanatuaga he tau kua mole.

Lologo 173 mo e liogi fakaoti.

Fahi Tapu Kamata ia Aperila 7

Lologo 191

10 minu: Tau fakailoaaga he matakavi.

12 minu: Moua e Aoga Mai he 2003 Yearbook. Lauga mo e fakatutala he toloaga. Fakatutala ke he “Ko e Tohi Mai he Kau Fakatufono,” ne hau fakalataha mo e fufuta nei he Ha Tautolu a Fekafekauaga he Kautu.

23 minu: “Puhala ne Fakatokanoa he Kupu Moli a Tautolu.”d Putoia e tau talahauaga he puha he lau 6 he Kolo Toko ia Oketopa 1, 1998. Uiina e toloaga ke talahau e puhala ne tamai he tau kupu moli mai he Kupu he Atua ki a lautolu e tokanoaaga.

Lologo 217 mo e liogi fakaoti.

[Tau Matahui Tala]