Setulu he Tau Feleveiaaga Fekafekau

Fahi Tapu Kamata ia Me 12

Lologo 1

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Putoia e tau talahauaga ke he “Ko e Hokotaki kua Mitaki!” He fakaaoga e tau manatu he lau 8, taute ua e fakataitaiaga ke foaki e Watchtower, Me 15 mo e Awake!, Me 22. He tau fakataitaiaga takitaha, kua lata e tau mekasini ua ia ke foaki fakalataha, pete he taha ni ka fakamaama. Putoia he talahau e fakatokaaga mena fakaalofa.

20 minu: Tau Matua​—Lagomatai e Tau Fanau ha Mutolu ke Tupu ki Mua. Ko e lauga kua tutala ke he tau fakamaamaaga mai he tohi Ministry School, lau 9-12 mo e 21-38. Fakamalolo e tau matua ke fakaaoga falu vala tala nei ke he fakaakoaga he magafaoa ha lautolu, mo e foliaga ke fakamahani e fanau ha lautolu ke tupu ki mua he fekafekauaga. Fakakite e tau manatu pauaki kua maeke ke fakaaoga ke lagomatai a lautolu ne ikiiki ke feaki e tau iloaaga kua lata.

15 min: “Tuku Mai ki Ai e Tala Mitaki.”a Fakatoka tuai ma e taha po ke tokoua e tagata fakailoa ke fakamaama fakaku e puhala ne maeke ia lautolu ke hikihiki ha lautolu a tau tuaga fakatagata ke maeke ke fakatupu ki mua vala he gahua fakamatala.

Lologo 46 mo e liogi fakaoti.

Fahi Tapu Kamata ia Me 19

Lologo 62

10 minu: Tau fakailoaaga he matakavi. Hokotakiaga fakatupe.

20 minu: “Fonoaga Fahimotu ‘Kia Fakaheke Atu ke he Atua’ he 2003 he Tau Fakamoli a Iehova.”b Ke taute he tohikupu he fakapotopotoaga, mo e hagaaki atu ke he paratafa 4-8. Ato kitekite ke he uho, totou e tohi ma e fonoaga ia Tesemo 27, 2002. Atihake mafanatia e tau tagata oti he taute tuai e tau fakatokaaga fonoaga.

15 min: “Fakaheke a Iehova he Fakamatala Nakai Mautali.” Lauga mo e fakatutalaaga auloa. Ka fakatutala e paratafa 3, huhu ke he toloaga ko e heigoa ka talahau ke kamata e fakatutalaaga he Tohi Tapu ke he falu tuaga na: (1) he tu he laini ke totogi e tau fakatau, (2) he heke he puhala o fenoga he tau tagata, (3) ke he katofia ne gahua i fafo he kaina, (4) ke he kapitiga gahua he gahuaaga hau, mo e (5) ke he kapitiga he poko he aoga. Fakatoka tuai ke talahau e mena ne tupu he matakavi ne kua fakakite e kautuaga he tagata fakailoa he foaki e fakamatala nakai mautali.

Lologo 135 mo e liogi fakaoti.

Fahi Tapu Kamata ia Me 26

Lologo 174

10 minu: Tau fakailoaaga he matakavi. Fakamanatu oti ke tuku e tau hokotaki he fonua ma Me. He fakaaoga e tau manatu he lau 8, taute ua e fakataitaiaga kehekehe ke foaki e Kolo Toko, Iuni 1 mo e Awake!, Iuni 8. He tau fakataitaiaga takitaha, kua lata e tau mekasini ke foaki fakalataha, pete he taha ni ka fakamaama. He fakaotiaga he taha fakataitaiaga, toka hifo e tuleke Manako Nakai a Koe ke Iloa Lahi e Tohi Tapu? mo e tagata he kaina ne nakai talia e tau mekasini.

10 minu: Puha Huhu. Ko e lauga. Fakamaama fakaku falu manatu ke lata mo e tau fakataitaiaga ka fakamatala he telefoni ne tu he Ha Tautolu a Fekafekauaga he Kautu ia Fepuari 2001, lau 6, paratafa 12-15, po ke falu kua lauia mitaki ke he matakavi ia.

25 minu: “Ko e Kupu Moli e Kupu he Atua.”c Fakaaoga e tau huhu kua tu i ai. Uiina e toloaga ke talahau e puhala ne lagomatai a lautolu ke ako e kupu moli ka fakaaoga he tau tagata fakailoa e Tohi Tapu ke tali e tau huhu ha lautolu. Ka tutala ke he paratafa 4, kia fakatata he tagata fakailoa kua lata e puhala ke fakaaoga e Tohi Tapu ke he ahi atu fakamua, he fakaaoga e falu manatu ne tu he vala tala “Fakatokatoka Fakahako e Kupu he Atua.”​—km 4/03 lau 3.

Lologo 188 mo e liogi fakaoti.

Fahi Tapu Kamata ia Iuni 2

Lologo 210

10 minu: Tau fakailoaaga he matakavi. Fakamaama taha po ke ua e manatu mai he uho he Ha Tautolu a Fekafekauaga he Kautu ia Ianuari 2002 ke foaki e porosua Manako mo e tohi Iloilo.

20 minu: Fakamauaga Lilifu​—Ko e Mena kua Lata Faka-Atua. Lauga mo e fakatutalaaga auloa. He tau motu loga, kua mahani e tau hoa ke nonofo tokoua ka e nakai matafakatufono e fakamauaga. Talahau ai he falu ko e tau puhala aoga anei. Fakamaama e onoonoaga he Tohi Tapu, he peehi ko e fakatokaaga faka-Atua e fakamauaga. (rs lau 248-9) Ko e nonofo pouli ka e nakai fai fakamauaga ko e faivao. (fy lau 17) Kehe ai ke he mena ne talitonu e tokologa, kua fakakite he tau kumikumiaga ko e nonofo tokoua ato mau kua liga fakatote e kautuaga he fakamauaga. (g02 3/8 lau 29; g92 9/8 lau 28; g91 5/8 lau 28) Kua fakalilifu he tau Kerisiano a Iehova he muitua ke he tau poakiaga hana. He taute pihia, kua aoga foki ki a lautolu ni.​—Isaia 48:17, 18.

15 min: Kua Aoga Fefe ki a Koe? Fakatutalaaga auloa ka taute he leveki aoga. Kamata ia Ianuari, kua fakatoka mai e puhala fou ma e Aoga Fekafekau Fakateokarasi. Fakatutala fakaku falu puhala fou he aoga. Fakamaama e tau fua mitaki kua kitia mogonei. Kua tokologa nakai kua huhu he aoga? Ha ha nakai e makai lahi ke fai vala i ai? Aoga fefe e tau tagata fakaako he fakatokaaga fou he foaki e fakatonuaga? Uiina e toloaga ke talahau e puhala kua aoga ki a lautolu mo e puhala kua logona e lautolu e fakaholoaga fou ka lagomatai a lautolu a mui.

Lologo 225 mo e liogi fakaoti.

[Tau Matahui Tala]