Setulu he Tau Feleveiaaga Fekafekau

MAILOGA: To fakatumau e Ha Tautolu a Fekafekauaga he Kautu ke setulu e Feleveiaaga Fekafekau ma e tau fahitapu takitaha he tau mahina tolu ka hau. Lata e tau fakapotopotoaga ke taute e tau hikihikiaga ke maeke ke o atu ke he Fonoaga he Fahimotu “Kia Fakaheke Atu ke he Atua.” Ka latatonu, fakaaoga e 15 minuti he Feleveiaaga Fekafekau fakahiku ato o atu ke he fonoaga he fatiaki e fakatonuaga mai he uho he mahina nei nukua aoga ke he fakapotopotoaga. Ia Tesemo, ko e Feleveiaaga Fekafekau katoa ka fakatoka ke fakamanatu e tau matapatu manatu he fakaholoaga he fonoaga. Ke tauteute ma e fakatutalaaga ia, igatia a tautolu mo e fakamau hifo e tau manatu kakano he fonoaga, fakalataha mo e tau manatu pauaki kua manatu a tautolu ke fakaaoga ni e tautolu ke he tau momoui takitokotaha ha tautolu mo e he fekafekauaga he fonua. Ati maeke ia tautolu ke fakamalolo e falu he fakamaama e puhala kua fakagahua e tautolu e tau manatu ia tali he o mai he fonoaga.

Fahi Tapu Kamata ia Aokuso 11

Lologo 101

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. He fakaaoga e tau manatu he lau 8, taute ua e fakataitaiaga kehekehe ke foaki aki e Watchtower, Aokuso 15 mo e Awake!, Aokuso 22. He tau fakataitaiaga takitaha, kua lata e tau mekasini ua ke foaki fakalataha, pete he taha ni ka fakamaama. He taha he tau fakataitaiaga, fakakite e puhala ke fehagai mo e tagata taofi fakatutalaaga “I’m busy.”​—Kikite e tohi Reasoning, lau 19.

15 min: “Fifitaki e Mahani Mitaki a Iehova.”a Uiina e toloaga ke talahau fakaku e tau mena tutupu he fakakite e puhala kua hafagi he tau gahua he mahani totonu ke fakamatala atu. Nava ke he fakapotopotoaga ma e tau laliaga ne taute ke lagomatai aki e tau matakainaga talitonu.

20 minu: “Tau Monuina he Fekafekauaga Paionia.”b Fakaaoga e tau huhu kua foaki. Uiina taha po ke ua e paionia ke talahau e tau monuina ne moua e lautolu mai he paionia. Totoku ko e ha tagata ne manako ke paionia kua maeke ke moua e laupepa ole mai he tohikupu.

Lologo 11 mo e liogi fakaoti.

Fahi Tapu Kamata ia Aokuso 18

Lologo 82

12 minu: Tau fakailoaaga he matakavi. Hokotakiaga fakatupe. Fakatutala ke he “Fakaholoaga Fou he Aho Toloaga Pauaki.” Fakailoa e aho toloaga pauaki, ti fakamalolo ki a lautolu oti ke hohoko atu. Ka fakahoko e toloaga he tau mahina gahoa i mua, talahau ko lautolu kua manako ke papatiso kua lata ke fakailoa atu ke he leveki fakapotopotoaga.

15 min: “Gahua kua Fakahauhau.”c Fakatoka tuai ma e tokoua po ke tokotolu ke talahau e puhala kua fakahauhau e fekafekauaga Kerisiano ki a lautolu.

18 minu: “Fakapotopoto Auloa ke Fakaheke a Iehova.”d Fakaaoga e tau huhu kua foaki. Fakamalolo ke fakalataha atu ke he tau fakaholoaga oti, mai he pogipogi Faraile ke hoko ke he afiafi Tapu. Peehi e lata ke fakagahuahua e tau mena ne ako e tautolu ka e nakai he logona hokoia. Manamanatu ke he mailoga i luga hagaao ke he fakatokaaga ma e Feleveiaaga Fekafekau ia Tesemo, ka liu fakamanatu e tau fakatotoaga he fonoaga fahimotu. Fakamalolo oti ke fakamaumau hifo.

Lologo 114 mo e liogi fakaoti.

Fahi Tapu Kamata ia Aokuso 25

Lologo 175

10 minu: Tau fakailoaaga he matakavi. He fakaaoga e tau manatu he lau 8, taute ua e fakataitaiaga kehekehe ke he puhala ke fakakite aki e Kolo Toko, Sepetema 1 mo e Awake!, Sepetema 8. He tau fakataitaiaga takitaha, kua lata e tau mekasini ua ke foaki fakalataha, pete he taha ni ka fakamaama. Fakakite e matua mo e tama tane po ke tama fifine fuata mui ne fakamahani he tauteute ma e gahua mekasini. Kua liu fakamanatu fakaku e laua e tau fakataitaiaga takitaha ato fakatata ai.

15 min: “Kia Eke mo Fakafifitakiaga he Tau Gahua Mitaki.”e Fakaaoga e tau huhu kua foaki. Peehi e lata ke muitua e tau fakatokatokaaga he tau nonofoaga ne kua tauteute ke lata mo tautolu. Fakamaama e kakano kua aoga e mahani mitaki ma e tau tagata oti kana.

20 minu: Fakamalolo ke Vagavagahau Atu. (1 Tesa. 2:2) Ko e lauga mo e fakatutalaaga auloa. Fakamaama e kakano ne tokologa kua halauka ke talahau e fekau he Kautu ke he falu. Tupu foki e mena nei ki a lautolu ne kua totou tau ke he gahua. Talahau falu mena tutupu ne moua he Watchtower ia Tesemo 1, 1999, lau 25; Watchtower ia Tesemo 15, 1999, lau 25; mo e Watchtower ia Aperila 1, 1996, lau 31. Uiina e toloaga ke talahau e puhala kua maeke ia lautolu ke fakamalolo ke talahau e tala mitaki ke he tau magaaho ka logona e lautolu e hopoate. Fakahiku aki e fakamaloloaga ke moua mai e malolo ia Iehova, ne fakave ke he Watchtower ia Tesemo 15, 1999, lau 23-4.

Lologo 125 mo e liogi fakaoti.

Fahi Tapu Kamata ia Sepetema 1

Lologo 84

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he fonua ma Aokuso. Talahau e tohi ka foaki ma Sepetema. Fakatoka tuai ma e taha po ke tokoua ke talahau e tau mena tutupu atihake he fakamatala nakai mautali a lautolu he matutaki mo e fonoaga he fahimotu, he fenoga evaeva, po ke falu gahua he tau mahina mafana.

15 min: Taofi Nakai e Koe e Maveheaga Hau ke Liu Atu? Ko e lauga mo e fakatutalaaga auloa ne fakave ke he Watchtower, Sepetema 15, 1999, lau 10-11, i lalo hifo he mataulu “Other Ways to Keep Our Promises.” Ka moua e tautolu e tau tagata he fekafekauaga ha tautolu kua fakakite e fiafia, fa mahani a tautolu ke fakatokatoka ke matutaki e fakatutalaaga ke he taha magaaho. Fakamoli nakai a tautolu he liliu atu tuga he mavehe ki ai? Liu manamanatu ke he tau matapatu fakaakoaga Tohi Tapu kua lata ke fakalagalaga a tautolu ke taofi ke he maveheaga ha tautolu. Uiina e toloaga ke talahau e tau mena tutupu kua fakakite e puhala ne fakamonuina ki a lautolu he liliu atu fakamafiti.

20 minu: “Fakakite he Tauteuteaga Maopoopo e Fakalilifu ke he Atua.”f Ke lauga he motua. Fakaaoga e tau huhu kua foaki. Kia totou he matakainaga tane kua lata e tau paratafa takitaha.

Lologo 41 mo e liogi fakaoti.

[Tau Matahui Tala]