Setulu he Tau Feleveiaaga Fekafekau

Fahi Tapu Kamata ia Sepetema 8

Lologo 10

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakamalolo oti ke liu kikite ke he tau manatu ha lautolu mai he fakaholoaga he toloaga he takaiaga ma e tau he fekafekauga kua mole he mautauteute ma e Feleveiaaga Fekafekau he fahi tapu ka hau. He fakaaoga e tau manatu he lau 6, taute ua e fakataitaiaga moli ke he puhala ke foaki e Watchtower, Sepetema 15 mo e Awake!, Sepetema 22. He taha fakataitaiaga, fakakite e tama aoga po ke matua hane fakamatala ke he faiaoga he aoga.

10 minu: Tohi he La. Ko e fakatutala tokoua he tagata fakailoa kua leva, manako ke he motua, mo e tagata fakailoa kua tote. Huhu e tagata fakailoa kua tote nukua kitia kia he tagata fakailoa e tohi mai he la ofisa he Ha Tautolu a Fekafekauaga he Kautu. Fakamaama he tagata fakailoa kua kitia e tohi he la ne fakakite he Our Kingdom Ministry he atu tau 1960 mo e atu tau 1970. Ti maeke ia laua ke fakatutala ke he tohi he lau i mua, he fakatoto e tau matapatu manatu.

25 minu: “Tau Fuata​—Atihake e Fakaveaga Mitaki ma e Tau Aho ne Tatali.”a Ke lauga he motua, he fakaaoga e tau huhu nukua foaki. Ka fakatutala e paratafa 5, fakatoto e tau olioli mo e tau monuina he fekafekauaga mau.

Lologo 170 mo e liogi fakaoti.

Fahi Tapu Kamata ia Sepetema 15

Lologo 199

8 minu: Tau fakailoaaga he matakavi. Hokotakiaga fakatupe.

12 minu: Tau mena kua lata mo e fakapotopotoaga.

25 minu: “Tua kia Iehova mo e Eke e Mahani Mitaki.” (Sala. 37:3) Ko e fakatutalaaga auloa ne fakave ke he tau huhu na ne mumui mai, ne fakatoto e tau matapatu manatu he fakaholoaga he toloaga he takaiaga ma e tau he fekafekauaga kua mole. Uiina e toloaga ke putoia ke he tau tali e puhala ne maeke ia lautolu ke fakaaoga e tau matapatu fakaakoaga ke he tagata ni po ke he tau tagata he magafaoa. Talahau e tau vala he fakaholoaga nei: (1) “Fakakite e Tua kia Iehova.” Ko e ha kua aoga ke fakatata e falanaki ki a Iehova he tau fahi oti he moui? (it-2 lau 521) Maeke fefe he Watch Tower Publications Index ke lagomatai a tautolu? (2) “Puipui Mai he Tau Mena Fakateaga he Moui.” (Fakama. 2:4-8, 11) Ko e heigoa e tau gahua fakateaga kua lata ia tautolu ke puipui mai ai, ti fakamamao fefe a tautolu? (3) “Tiaki e Kelea​—Eke mo Tau Tagata he Mitaki.” Ko e ha kua aoga ke pipiki ke he tau poakiaga ha Iehova? (Isaia 5:20) Ko e heigoa e tau gahua mitaki kua lata ia tautolu ke lavelave ki ai? (4) “Fakatumau ha Tautolu a Mauokafua kia Iehova.” Ko e heigoa ka lagomatai a tautolu ke tumau pete ni e tau kamatamata? Ko e ha kua lata ia tautolu ke toka atu falu mena ke he levekiaga ha Iehova? (5) “To Totoku Kia a Koe kua Latatonu ma e Kautu he Atua?” (Kolo. 1:10) Ko e heigoa e tau fakafifitakiaga he Tohi Tapu kua omoomoi a tautolu ke latatonu he fakatumau he o ki a Iehova? (6) “Tua ke he Tau Maveheaga ha Iehova.” To lauia fefe e tau momoui ha tautolu he taute e mena nei?

Lologo 58 mo e liogi fakaoti.

Fahi Tapu Kamata ia Sepetema 22

Lologo 7

10 minu: Tau fakailoaaga he matakavi. He fakaaoga e tau manatu he lau 6, taute ua e fakataitaiaga kehekehe ke foaki e Kolo Toko, Oketopa 1 mo e Awake!, Oketopa 8. Fakakite e motua mo e tagata fakailoa kulikuli hane taute e fakamatala he telefoni.

15 min: Fefe e Tuaga ha Tautolu he Tau kua Mole? Liu fakatoto he leveki fekafekau e hokotaki he fakapotopotoaga ma e tau he fekafekauaga he 2003. Nava ke he fakapotopotoaga ha ko e tau mena mitaki ne taute. Putoia e tau manatu ne lata mai he hokotaki kua mole he leveki takaiaga. Totoku taha po ke ua e foliaga ke foli atu ma e tau ka hau.

20 minu: Are All Religions Acceptable to God? Fakatutala auloa fakave ke he tohi Reasoning. Fakatutala ke he puhala ke fakakakano e manatu nei ke he taha. (rs lau 322-3) Fakatoto falu puhala gahoa na maeke ke kitia e lotu hako. (rs lau 328-30) Ko e fekafekauaga ha tautolu kua lagomatai e falu ke fifili e puhala tapuaki kua talia ke he Atua.​—Kolo. 1:9, 10.

Lologo 39 mo e liogi fakaoti.

Fahi Tapu Kamata ia Sepetema 29

Lologo 194

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he gahua ke he fonua ma Sepetema. Talahau e tohi ka foaki ma Oketopa. Taute e fakataitaiaga fakaku ke he puhala ke kamata e fakaakoaga Tohi Tapu ke he porosua Manako.

17 minu: “Kia Leveki Fakamitaki Tumau e Matakavi he Tapuakiaga ha Tautolu.”b (Paratafa 1-5) Fakaaoga e tau huhu nukua foaki. Ka fakatutala e paratafa 3 mo e 4, liu fakatutala ke he tau fakatokatokaaga he fakapotopotoaga ma e fakameaaga he Fale he Kautu. Hagaaki fakatonu ke he tau manatu kua lata. Nava ke he fakapotopotoaga ma e tau laliaga ha lautolu ke fakatumau e fale kua lata ma e tapuakiaga moli.

18 minu: “Fakatapulu a Mutolu ke he Mahani Fakatokolalo.”c Moua e tau tali mai he toloaga ke he puhala kua fakaaoga e tau kupu tohi.

Lologo 224 mo e liogi fakaoti.

Fahi Tapu Kamata ia Oketopa 6

Lologo 170

10 minu: Tau fakailoaaga he matakavi. He mahina nei kua taute e tautolu e laliaga pauaki ke kamata e tau fakaakoaga Tohi Tapu. Liu fakamanatu fakaku e Ha Tautolu a Fekafekauaga he Kautu ia Me 2002, lau 1, paratafa 1.

18 minu: “Kia Leveki Fakamitaki Tumau e Matakavi he Tapuakiaga ha Tautolu.”d (Paratafa 6-12) Fakaaoga e tau huhu nukua foaki. Peehi e aoga he leveki fakamitaki e Fale he Kautu, he fakatoto e puha he lau 5. Putoia e hokotaki ku ke he tuaga he ha mutolu a Fale he Kautu, ti talahau ha pulega ke fakafou po ke fakatolomaki ki mua.

17 minu: Fehagai Malolo ke he Pehiaaga he Atu Taha. Huhu tala ke he motua po ke fekafekau lagomatai ne feaki hake he kaina Kerisiano. Liu kikite ke he tau manatu ne fifili mai he Watchtower, Fepuari 15, 2003. Ko e heigoa e pehiaaga ne fehagai mo e matakainaga tane he aoga? (lau 24 para. 3; lau 25 para. 4-5) Fehagai nakai a ia mo e ha fakaohoohoaga kelea mai he falu? (lau 26 para. 4-6) Fehagai agaia nakai a ia mo e pehiaaga he atu taha ko e fuata? Ko e heigoa ne lagomatai a ia ke totoko e pehiaaga ke muitua ki ai? He lauga ku fakahiku ne fakave ke he Watchtower, Aokuso 1, 1999, lau 24-5, fakatoto e tau aoga he feaki e feoakiaga kua atihake.

Lologo 26 mo e liogi fakaoti.

[Tau Matahui Tala]