Setulu he Tau Feleveiaaga Fekafekau

Fahi Tapu Kamata ia Oketopa 13

Lologo 215

10 minu: Tau fakailoaaga he matakavi mo e fifili e Tau Fakailoaaga mai he Ha Tautolu a Fekafekauaga he Kautu. He fakaaoga e tau manatu he lau 8, taute ua e fakataitaiaga kehekehe ke foaki aki e Watchtower, Oketopa 15 mo e Awake!, Oketopa 22. He tau fakataitaiaga takitaha, kua lata e tau mekasini ua ke foaki fakalataha, pete he taha ni ka fakamaama. He taha he tau fakataitaiaga, taute e fakatata he liu ahi atu ke he fakaholoaga mekasini. Fakatoka e fakaveaga ke he liu ahi atu he hagaaki e onoonoaga ke he puha “Fufuta Ka Hau ha Tautolu.”​—Kikite Ha Tautolu a Fekafekauaga he Kautu, ia Oketopa 1998 lau 8, para. 7-8.

20 minu: “Fekafekau Kia Iehova mo e Fiafia.”a (Tamai he tau tagata e uho he Ha Tautolu a Fekafekauaga he Kautu ia Ianuari 2002 ma e fakatutalaaga nei.) Ka mole e tutala ke he paratafa 4, talahau to foaki e tautolu ia Novema e porosua Manako mo e tohi Iloilo. Fakamanatu fakaku e taha he tau fakataitaiaga ne fakakite mai he uho he Ha Tautolu a Fekafekauaga he Kautu ia Ianuari 2002. Ti fakakite e magaaho fakaako nukua taute aki e fakataitaiaga ia. Fakamalolo e tau tagata oti ke mautauteute mitaki ma e fekafekauaga.

15 min: Tamai he Taute e Tau Fakaakoaga Tohi Tapu e Tau Monuina. Lauga mo e fakatutalaaga auloa. Talahau falu iloaaga gahoa mai he tau tohi ha tautolu ne putoia e tau fakaakoaga Tohi Tapu mitaki hane holo ki mua. (w00 3/1 lau 6; yb98 lau 55-60) Uiina e toloaga ke talahau e mena ne ako e tautolu mai he tau iloaaga mo e puhala kua aoga mai a tautolu he taute e tau fakaakoaga Tohi Tapu.

Lologo 172 mo e liogi fakaoti.

Fahi Tapu Kamata ia Oketopa 20

Lologo 86

8 minu: Tau fakailoaaga he matakavi.

17 minu: “Kia Nonofo Tauteute Ai a Mutolu.”b Uiina e toloaga ke talahau e tau mena kua lagomatai a lautolu ke taofi e tau kapaletu mo e tau fakalavelave he fakatokaaga nei he fakaaoga fakamitaki e tau magaaho ke lata mo e tau mena fakaagaga.

20 minu: Fakaaoga e Pelu he Agaga. (Efeso 6:17) Fakatutala auloa fakave ke he tohi Ministry School, lau 143-4. Uiina e tau talahauaga ke he tau huhu nei: (1) Ko e ha ne fakaaoga e tautolu e Tohi Tapu he magaaho ka tali atu e tau huhu? (2) Ko e heigoa kua fakakite he higoa Tau Fakamoli a Iehova hagaao ki a tautolu? (3) Ko e heigoa e fakafifitakiaga ne fakatoka e Iesu, ti fifitaki fefe e tautolu a ia? (4) He matakavi fonua, ko e heigoa falu puhala lauia mitaki ke kamata aki e tau manatu faka-Tohiaga Tapu? (5) Ko e ha kua mitaki ke totou fakahako mai he Tohi Tapu ka maeke ai? (6) Maeke fefe e tau motua ke fakamalolo e falu ke fakaaoga fakamitaki e Tohi Tapu? Taute e fakataitaiaga mautauteute mitaki ne fakave ke he fakaakoaga he lau 144 nukua maeke he tagata fakailoa mahani ke fakaaoga taha e kupu tohi he tali e huhu. Fakamalolo e tau tagata oti ke eke mo foliaga ha lautolu ke fakaaoga e Tohi Tapu he tau magaaho oti ka fakamatala a lautolu.

Lologo 112 mo e liogi fakaoti.

Fahi Tapu Kamata ia Oketopa 27

Lologo 64

12 minu: Tau fakailoaaga he matakavi. Hokotakiaga fakatupe. Fakamanatu ke he tau tagata fakailoa ke tuku e tau hokotaki he fonua ma Oketopa. Fakamalolo e tau tagata oti ke liu fakamanatu e tau fakamaumauaga ha lautolu mai he fakaholoaga he aho toloaga pauaki he tau he fekafekauaga kua mole he mautauteute ma e Feleveiaaga Fekafekau he tapu ka hau. He fakaaoga e tau manatu he lau 8, taute ua e fakataitaiaga kehekehe ke he puhala ke fakakite aki e Kolo Toko, Novema 1 mo e Awake!, Novema 8. He tau fakataitaiaga takitaha, kua lata e tau mekasini ua ke foaki fakalataha, pete he taha ni ka fakamaama. He taha he tau fakataitaiaga, fakatata e puhala ke taute aki e tagata taofi fakatutalaaga “Nakai manako au.”​—Kikite e tohi Reasoning, lau 16.

20 minu: “Fakahauhau e Navaaga.”c Putoia e tau talahauaga he tohi Fiafia he Magafaoa, lau 49-50, paratafa 21. Uiina e tau talahauaga kuku he tau tagata takitaha ne atihake ha ko e tau kupu nava mai he falu.

13 minu: Tau mena tutupu he matakavi. Uiina e toloaga ke talahau e tau mena tutupu ne olioli he fakamatala nakai mau tauteute ke he gahuaaga, ke he aoga, po ke falu matakavi.

Lologo 52 mo e liogi fakaoti.

Fahi Tapu Kamata ia Novema 3

Lologo 147

5 minu: Tau fakailoaaga he matakavi.

15 min: Tau mena kua lata mo e fakapotopotoaga.

25 minu: Kia Maukoloa ke he Tau Gahua Mitaki. (1 Timo. 6:18) He fakaaoga e tau huhu ne foaki i ai, kua taute he motua e fakatutalaaga auloa ke he fakaholoaga he aho toloaga pauaki ne fakahoko ke he tau he fekafekauaga kua mole. Uiina e fakapotopotoaga ke talahau e puhala ne maeke ia lautolu ke fakagahua e mena ne ako e lautolu. (Kia kotofa tuai e tau valatala.) Fakatoto e tau vala na he fakaholoaga: (1) “Tamai he Tau Gahua Mitaki e Koloa Lahi.” (Fakama. 2:11) Ko e ha e tau fekafekau he Atua kua tutuli e tau gahua mitaki ne fakamaama he Kupu he Atua ka e nakai ko e tau gahua fakateaga he lalolagi nei? (2) “Kia Maukoloa Mai he Tuaga he Atua.” (Mata. 6:20) Maeke fefe e falu ke ‘tanaki e tau koloa ke he lagi,’ mo e ko e heigoa e tau aoga? (3) “Fakakoloa Hau a Fekafekauaga Aki e Fakaako Tohi Tapu.” (om lau 91) Ko e heigoa kua maeke ke lagomatai a tautolu ke kamata mo e taute e fakaakoaga Tohi Tapu? (4) “Tau Gahua Mitaki he Magaaho Helehele Nai.” (Mata. 13:37-39) Ko e heigoa e fakafifitakiaga he tau gahua mitaki ne fakatoka he tau Kerisiano fakamua atu, ti fakalaulahi fefe e gahua he Kautu he vaha ha tautolu? (5) “Kia Fakaheke he Tau Gahua Mitaki Hau a Iehova.” (Mata. 5:14-16) Maeke fefe he falu ke ‘kikila atu ha lautolu a maama’? (6) “Nava ke he Tau Fuata ma e Tau Gahua Mitaki he Fakaheke a Iehova.” (Sala. 148:12, 13) Foaki fefe he tau fuata Kerisiano he takaiaga ha tautolu e fakaheke ki a Iehova? (7) “Heleheleaga he Tau Monuina ha Iehova ma e Tau Gahua Mitaki ha Tautolu.” (Fakatai 10:22) He lavelave a tautolu ke he tau gahua mitaki, ko e heigoa e tau monuina ka helehele he tau tagata takitokotaha, he magafaoa, he fakapotopotoaga, mo e he fakatokatokaaga he lalolagi katoa?

Lologo 180 mo e liogi fakaoti.

[Tau Matahui Tala]