Liu Fakamanatu he Aoga Fekafekau Fakateokarasi

Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Oketopa 25, 2004. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Sepetema 6 ki a Oketopa 25, 2004. [Mailoga: Ka nakai fai fakamoliaga talitua e matahiku he huhu, kua lata ke taute ni e koe e kumikumi fakatagata hau ke moua e tau tali.​—Kikite Ministry School, lau 36-7.]

TAU ALITO HE VAGAHAU

1. Fakatoka fefe e tautolu e puhala mitaki ka lauga hagaao ke he falu fahi he gahua Kerisiano ha tautolu? [be lau 203 para. 3-4]

2. Ko e heigoa e fatiaki, ti ko e ha ne aoga ai? [be lau 206 para. 1-4]

3. Maeke fefe ia tautolu ke peehi e matapatu he tau lauga ha tautolu? [be lau 210 para. 1-5, puha]

4. Maeke fefe ia tautolu ke fifili e tau uho manatu he lauga kua kotofa ki a tautolu? [be lau 212 para. 1-4]

5. Ko e ha kua lata ia tautolu ke fakaeneene neke loga lahi e tau uho manatu? [be lau 213 para. 2-4]

KOTOFAAGA NU. 1

6. Ko e heigoa e tau mouaaga ato Fakapuke ne liga uka he tau tagata ke talia to hiku ke fakamahaikava e tau mena oti ne agaagai ia lautolu? [w02 3/1 lau 3-4]

7. Ko e ha kua lata ke iloa mitaki ko e tau tagata he magahala a Iesu na talahau a ia ko e “Akoako” nakai ko e “Ekekafo”? (Luka 3:12; 7:40) [w02 5/1 lau 4 para. 3; lau 6 para. 4]

8. Fakamaama fefe he Tau Fakatai 11:24, 25 e aoga he fakalataha katoatoa ke he fekafekau he fonua? [w02-E 7/15 lau 30 para. 2-4]

9. Ko e heigoa e matakupu he mahani ne mafuta hake he fakafualoto i Etena, mo e heigoa e fua he fakafualoto ia? (Kene. 3:1-6) [w02 10/1 lau 5 para. 6; lau 6 para. 2-3]

10. Moua fefe e aho ma e fakafouaga he tapuaki moli i Ierusalema? [bsi04 lau 2 para. 5]

TOTOUAGA HE TOHI TAPU FAKAFAHI TAPU

11. Ha ko Iehova ne fekau a Palaamo ke o mo e tau tagata ha Palako, ko e ha ne ita a Ia he fano a Palaamo mo lautolu? (Nume. 22:20-22)

12. Maeke kia he tane he fifine Kerisiano ke fakagata e tau omonuo he hoana? (Nume. 30:6-8)

13. Ko e heigoa e ‘tau maga kua eke mo huaga’ he vaha nei? (Nume. 35:6) [w95 12/1 lau 15 para. 8]

14. Lata kia ke maama e poaki he Teutaronome 6:6-9 ke ‘pipi e fakatufono he Atua ke he lima mo e eke ai mo fou papa ke he tau mata’ ke he puhala moli?

15. Kakano ni kia e talahauaga “nakai popo hau a tau tapulu” na fakafou tumau e tau mena tui he tau Isaraela? (Teu. 8:4)