Setulu he Tau Feleveiaaga Fekafekau
Fahi Tapu Kamata ia Oketopa 11
Lologo 20 (93)
12 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu.
18 minu: “Fakapuloa he Tau Mekasini e Kautu.” Fakatutala he motua e vala tala mo e tokotolu po ke tokofa e tagata fakailoa ne lauia mitaki he foaki e tau mekasini. Fakatutala e tau vala futiaki he tau senolo fou, he talahau e tau puhala ka fakagahua e tau manatu nei ke he tau fakataitaiaga ha tautolu. Fakatutala e puhala ke fakatupu ki mua e tufatufaaga he tau mekasini he matakavi fonua. He fakaaoga e tau fufuta fou, tuhi ke he tau vala tala kua fakalagalaga e fiafia, tuga e tau vala tala ne lauia e tau lekua he kaufakalatahaaga, magafaoa, po ke maaga. Fakatata taha po ke ua e tau fakataitaiaga kuku. He tau magaaho takitaha, talahau e tau foakiaga ke he tau mena fakaalofa ma e gahua he Kautu.
15 min: Moua e Fiafia he Lagomatai e Falu. (Ioane 4:34) Tau huhu tala. Ko e olioli ke kitia e fofoga he tagata ka fiafia he ako e tau kupu moli mai he Kupu he Atua. (w94-E 3/1 lau 29 para. 6-7) Huhu tala ke he tokoua po ke tokotolu e tagata fakailoa po ke tau paionia ne lauia mitaki he fakaaoga e Tohi Tapu he fekafekauaga mo e kamata e tau fakaakoaga Tohi Tapu. Maeke fefe ia lautolu ke feaki e fiafia ne moua e lautolu? Ko e heigoa e olioli ne moua e lautolu he taute pihia? Talahau po ke liu taute e lautolu e tau mena tutupu mai he fekafekauaga ha lautolu.
Lologo 9 (37) mo e liogi fakaoti.
Fahi Tapu Kamata ia Oketopa 18
Lologo 15 (127)
10 minu: Tau fakailoaaga he matakavi.
20 minu: Fakaaoga e Tau Tuleke ke Kamata e Tau Fakaakoaga Tohi Tapu. Lauga mo e fakatutalaaga auloa ne fakave ke he Ha Tautolu a Fekafekauaga he Kautu, ia Novema 2001, lau 3-4. Fakamaama kua fiafia a tautolu ke hikihiki ke he tau tutuaga he tau tagata fakaako takitaha ne fakakite he paratafa 5. Putoia taha po ke ua e fakatataaga kuku ne fakave ke he paratafa 8-10. Ka lauia mitaki taha fakafeleveiaaga ke he matakavi, fakamaama mo e fakatata e fakataitaiaga. Uiina e toloaga ke talahau e tau mena tutupu ne moua e lautolu he fakaaoga e tuleke Manako Nakai a Koe ke Iloa Lahi e Tohi Tapu?
15 min: Fakaaoga e Tau Foliaga Fakaagaga ke Fakaheke e Tufuga Hau. Ko e lauga fakamalolo ne fakave ke he Watchtower, Iulai 15, 2004, lau 21-23.
Lologo 26 (212) mo e liogi fakaoti.
Fahi Tapu Kamata ia Oketopa 25
Lologo 4 (43)
12 minu: Tau fakailoaaga he matakavi. Hokotakiaga fakatupe. Fakaaoga e tau manatu he lau 8 (ka felauaki ma e fonua ha mutolu), ke fakatata e puhala ke foaki e Kolo Toko, ia Novema 1 mo e Awake!, ia Novema 8. He tau fakataitaiaga takitaha, fakakite e taha puhala ke fehagai mo e tagata taofi fakatutalaaga “Nakai fiafia au ke he Tau Fakamoli a Iehova.”—Kikite e tohi Reasoning, lau 17-18.
18 minu: Talahau e Fakamoliaga ke Lalago e Kupu he Atua. Fakatutalaaga auloa ne fakave ke he tohi Ministry School, lau 256-7. Fakaaoga fefe e tautolu e fakamoliaga mai he tau punaaga i fafo he Tohi Tapu ke lagomatai e tau tagata ke loto fakaaue e tonu he tau Tohiaga Tapu? Uiina e toloaga ke tali e tau huhu na: Ko e heigoa e tau fakataiaga mai he lalolagi mo e lagi katoatoa fakatino kua maeke ke fakakite e tautolu ko e fakamoliaga he Tufuga? (rs 85-6) Liga fakaaoga fefe e tautolu e tau talahauaga he tau tagata fakaako tokoluga po ke tau tagata pulotu ke lagomatai e falu ke kitia moli ko e Tohi Tapu ko e Kupu he Atua? (rs 62-4) Ko e heigoa e fakatataaga po ke fakatataiaga kua maeke ke fakaaoga e tautolu e kakano ne fakaata he Atua e mahani kelea? (rs 429) Ko e heigoa e tau mena tutupu po ke tau fakataiaga kua fakaaoga e koe ke lagomatai e falu ke loto fakaaue e pulotu he muitua e fakatonuaga he Tohi Tapu?
15 min: Tau mena kua lata mo e fakapotopotoaga.
Lologo 23 (200) mo e liogi fakaoti.
Fahi Tapu Kamata ia Novema 1
Lologo 2 (15)
12 minu: Tau fakailoaaga he matakavi. Fakamanatu oti ke tuku e tau hokotaki he fonua. To foaki e tautolu ia Novema e porosua, Ka Mate a Ia ne Ofania e Koe, po ke tuleke, Ko e Heigoa e Amaamanakiaga ma e tau Fakahelehele Kua Mamate? Liu fakamanatu e fakataitaiaga ne fakakite mai he Ha Tautolu a Fekafekauaga he Kautu ia Iulai 1998, lau 8, po ke falu fufuta kua mole. Fakatata e fakataitaiaga.
15 min: “Ko Iehova ko e Haku a Lagomatai Haia.” Lauga fakamalolo mafanatia he motua.
18 minu: Fakauka ke he Tau Gahua Mitaki. (Kala. 6:10) Huhu tala ke he tokoua po ke tokotolu e paionia tumau po ke paionia fakaku ke he tau magaaho. Ko e heigoa e tau mena uka ne fehagai mo lautolu he gahua ha lautolu ki a Iehova, ti kautu fefe mai a lautolu i ai? Ko e heigoa ne lagomatai a lautolu ke fakauka he taute e mitaki ke he falu? Aoga fefe e tau laliaga he fekafekauaga Kerisiano ki a lautolu mo e falu? Ka latatonu, putoia e tau talahauaga ke he mena kua taute he matakavi ke hokotia e tala mitaki ki a lautolu ne vagahau kehe. Nava oti ma e ‘gahua tua fakamoli ha lautolu, mo e fakamalolo ke he fakaalofa, mo e fakauka ha lautolu.’—1 Tesa. 1:2, 3.
Lologo 5 (46) mo e liogi fakaoti.