Tau Puhala ke Foaki e Ko e Heigoa e Kakano he Moui—To Moua Fefe e Koe?
He mole e feleveia mo e tagata he fale, liga pehe a koe:
“Kua putoia moli ke he moui he vaha nei e tau lekua mo e tau mena fakahogohogo manava. Manatu nakai a koe kua lata ke pehenei e moui? [Fakaata ma e tali.] Ne fakakite he porosua nei to fakamoli e finagalo fakamua he Atua ma e tau tagata mo e lalolagi. [Fakatutala ke he fakatino he lau 20-1. Ti totou e paratafa 9, fakamaama e Isaia 14:24 mo e 46:11.] Ka liu mai au, manako au ke fakakite atu e mena ne talahau he Tohi Tapu hagaao ke he Atua ka liuaki mai e lalolagi ke he Parataiso.” Foaki e porosua, mo e pulega ke liu atu.
Magaaho ka liu, liga pehe a koe:
“Ne talahau e au he magaaho fakamua e finagalo he Atua ma e tau tagata ke moui tukulagi ke he lalolagi parataiso. [Liu fakakite e fakatino he lau 20-1.] Mailoga ne tala a Iesu, Peteru, mo Tavita ke he Parataiso.” Ole age ke tamai e porosua hana. Ti fuluhi ke he lau 21-2, mo e fakatutala ke he paratafa 10-13. Foaki e fakaakoaga Tohi Tapu, po ke pulega ke fakatutala ke he taha mataulu tala he lau 29-30 ka liu aahi atu.
Liga pehe e tagata fakailoa fuata mui:
“Tokologa e tagata he atu tau moui haku ne fakauaua hagaao ke he vaha anoiha. To laukauka nakai e moui he tau tau mai mua he manatu e koe? [Fakaata ma e tali.] Ne tutala e Tohi Tapu hagaao ke he mitaki lahi he vaha anoiha ma e tau tagata oti. [Hafagi ke he fakataiaga he lau 31 he porosua, mo e totou e mataulu tala. Ti totou e 2 Peteru 3:13.] Kua foaki he porosua nei e tau vala tala ke he tau monuina kua fakatoka he Atua ma e tau tagata. [Fakamaama e tau mataulu tala puni lahi he lau 29-30, ti foaki e porosua.] Manako au ke liu mai foki mo e fakakite atu e maveheaga he Atua ke fakaotioti e tau felakutaki oti.” Pulega ke liu atu.
Magaaho ka liu, liga pehe a koe:
“Ko e magaaho fakamua ne hau au, ne tutala fakaku au ke he finagalo he Atua ka liuaki mai e lalolagi parataiso. [Liu kitekite e fakatino he lau 31.] Manako au ke iloa e tau manatu hau ke he maveheaga he Atua ke fakaotioti e tau felakutaki oti.” Ole age ke tamai e porosua hana. Ti totou mo e fakatutala ke he paratafa 3-6 he lau 29. Pulega ke fakatutala ke he paratafa 7-8 ka liu aahi atu.
Ka gahua mo e tama tote, liga to fakafeleveia he tagata lahi a laua he pehe:
“Ka manako a koe, kua loto a ________ ke fakakite atu e fakatino mo e totou taha kupu mai he Tohi Tapu. [Fakakite he tama e fakatino mo e totou e mataulu tala he lau 31 ti totou e Fakakiteaga 21:4.] Kua fakamaama he porosua nei e mena ka taute he Atua hagaao ke he tau lekua ne fehagai mo tautolu he vaha nei. [Fakamaama fakaku e tau mataulu tala ne puni lalahi he lau 29-30, ti foaki e porosua.] Ka liliu mai a maua, manako au ke fakakite atu e mena ne talahau he Tohi Tapu hagaao ke he fakaotioti he tau lekua malolo tino oti.”
He liu aahi atu, liga pehe e tagata lahi:
“He fakatutalaaga fakamua ha taua, ne talahau e au e manako haku ke fakakite atu e mena ne talahau he Tohi Tapu hagaao ke he fakaotioti he tau lekua malolo tino oti. Mailoga la e mena ne talahau he vala nei.” Ole age ke tamai e porosua hana. Ti fakatutala ke he paratafa 9-14 he lau 29. Foaki e fakaakoaga Tohi Tapu, po ke pulega ke fakatutala ke he paratafa 15-17 ka liu aahi atu.