Liu Fakamanatu he Aoga Fekafekau Fakateokarasi
Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Aperila 24, 2006. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau faahi tapu ia Mati 6 ki a Aperila 24, 2006. [Mailoga: Ka nakai fai fakamooliaga talitua e matahiku he huhu, kua lata ke taute ni e koe e kumikumiaga fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. He magaaho ka fakaako, ko e ha kua lata ia tautolu ke fakamanou ka hiki e tau manatu takitaha, ka ko e heigoa ka taofi mai a tautolu he taute pihia? [be lau 98 para. 2-3]
2. Ko e ha kua aoga ke fakamanou ka fakamatala ke he falu? [be lau 99 para. 5–lau 100 para. 4]
3. Ko e ha kua aoga ke peehi e manatu ka lauga, mo e maeke fēfē ia tautolu ke hokotia ke peehi fakamitaki e manatu? [be lau 101 para. 1-5, puha]
4. Ka totou ke he toloaga, maeke fēfē ia tautolu ke iloa mooli kua peehi e tau matapatu manatu he lauga ha tautolu? [be lau 105 para. 1-6]
5. Ko e ha kua aoga ke latatonu e lahi he leo ka fakaako ai, mo e maeke fēfē ia tautolu ke fuafua e lahi he leo ke fakaaoga? [be lau 107-8]
KOTOFAAGA NU. 1
6. Tatai fēfē e tuaga he tau Kerisiano he vahā nei ke he ha Eseta mo Moretikai, mo e maeke fēfē ia tautolu ke muitua e fakafifitakiaga ha laua? [bsi06 lau 11 para. 17]
7. Ne talahau e Solomona “ko e tau mena fakateaga oti ni haia, mo e kai e matagi,” ko e heigoa ne fakamaama e ia? (Fakama. 2:11) [w04-E 10/15 lau 4 para. 3-4]
8. Maeke fēfē ia tautolu ke feaki e fakaalofa ma e Atua? (Mare. 12:30) [w04-E 3/1 lau 19-21]
9. Ko e heigoa e tau kehekehe ka taute he vahāloto he tau mena aoga fakaagaaga mo e velevelekoloa? [w04-E 10/15 lau 5-7]
10. Ko e heigoa ka lagomatai a tautolu ke nakai tauhele ka fanogonogo he tau toloaga mo e tau fonoaga? [be lau 15-16]
TOTOUAGA HE TOHI TAPU FAKAFAAHI TAPU
11. Ko e ha ne ufiufi e tau mata ha Hamanu? (Eseta 7:8)
12. Ko e mena moui fakaagaaga fēfē ne fakaohooho e manamanatuaga ha Elifasa? (Iopu 4:15, 16) [w05-E 9/15 lau 26 para. 2]
13. Fakakite kia he tau mena ne talahau e Iopu ia Iopu 7:9, 10 mo e Iopu 10:21 ne nakai talitonu a ia ke he liu tu mai?
14. Ko e heigoa e kakano ha Iopu he talahauaga “kua hao au mo e kili he haku tau nifo”? (Iopu 19:20)
15. Ko e heigoa e kakano ha Iopu he talahau, ‘to nakai toka e au haku a mahani fakamoli,’ ti ko e heigoa ka ako e tautolu mai he mena nei? (Iopu 27:5)