Liu Fakamanatu he Aoga Fekafekau Fakateokarasi
Ko e tau hūhū liu fakamanatu i lalo ka fakatutala ki ai he Aoga Fekafekau Fakateokarasi he faahi tapu ka kamata ia Aokuso 27, 2007. Ko e leveki aoga ka taute e liu fakamanatu ke he 30 e minuti he fakavē ke he tohi ne fakaaoga ke he tau kotofaaga he tau faahi tapu ia Iulai 2 ki a Aokuso 27, 2007.
TAU ALITO HE VAGAHAU
1. Maeke fēfē ia tautolu ke fakalilifu e falu he fekafekauaga ha tautolu mo e i loto he fakapotopotoaga? [be lau 192 para. 2-4]
2. Ko e heigoa kua aoga lahi kaeke ke fakakite e tautolu e mauokafua ka fakamaama taha mena? [be lau 196 para. 1-3]
3. Ko e heigoa falu manatu ka lagomatai a tautolu ke fakailoilo he magaaho ka fakamatala ke he falu? [be lau 198 para. 1-5]
4. Putoia fēfē e fakailoilo ke fakamatala ke he falu he magaaho kua lata? (Fakatai 25:11) [be lau 199 para. 1-3]
5. Maeke fēfē ia tautolu ke fakatumau e puhala lauga ke atihake? [be lau 203 para. 3–lau204 para. 1]
KOTOFAAGA NU. 1
6. Ko e heigoa ka talahau hagaao ke he puhala tohia ha Esekielu pihia foki ke he fakakanona mo e tonutika he tohi a Esekielu? [bsi07 lau 6 para. 3]
7. Ko e heigoa e taha mahani ne kua aoga lahi ma e tagata ke fakauka ke he nakai fakafili tonu? [w05-E 6/1 lau 29 para. 4]
8. Ko e heigoa ne ako e tautolu mai he tali ha Iesu ke he tau Satukaio ne hūhū toko ki a ia hagaao ke he liu tu mai? (Luka 20:37, 38) [be lau 66 para. 4]
9. Ka hūhū e tagata fakaako Tohi Tapu po ke matakainaga talitonu ko e heigoa haana kua lata ke taute he taha tuaga pauaki, kua lata ke tali atu fēfē a koe? [be lau 69 para. 4-5]
10. Ko e heigoa ne putoia ke ‘fakafou e manako he tau loto ha mutolu’? (Efeso 4:23) [be lau 74 para. 4]
TOTOUAGA HE TOHI TAPU FAKAFAAHI TAPU
11. Ia Esekielu 9:2-4, ko hai ne fakatino he tagata he ie lino, ti ko e heigoa ne fakakite he ‘fakamailoga e tau matalē’? [w88-E 9/15 lau 14 para. 18]
12. Tatai fēfē e tau takitaki lotu ha Kerisitenitome mo e “tau perofeta goagoa ne omaoma ke he tau loto ha lautolu,” he talahau he Esekielu 13:3? [w99 10/1 lau 24]
13. He totoku e ‘tala fakatai’ ne tohi he Esekielu 18:2, ko e heigoa he tau Isaraela ne lali ke taute, mo e ko e heigoa e fakaakoaga aoga ne fakakite hagaao ke he lalagoaga? [w88-E 9/15 lau 18 para. 10]
14. Ko e heigoa e kakano ne “nakai fakamate” a Esekielu he magaaho ne tapaki mo e moumou a Ierusalema? (Eseki. 24:27; 33:22) [w03-E 12/1 lau 29]
15. Ko hai a “Koku he motu a Makoku,” ti a fē ka oho atu a ia ke moumou e tau tagata ha Iehova? (Eseki. 38:2, 16) [w97 3/1 lau 25 para. 1–3]