Setulu he Tau Feleveiaaga Fekafekau

Faahi Tapu Kamata ia Fepuari 11

Lologo 2 (15)

10 minu: Tau fakailoaaga he matakavi. Fakaaoga e tau manatu he lau 8 po ke falu fakataitaiaga ne felauaki mo e fonua ha mutolu, fakatātā e puhala ke foaki e Kolo Toko, Ianuari-Mati mo e Awake! ia Fepuari.

15 minu: Maeke Nakai a Koe ke Fekafekau he Matakavi kua Manako Lahi ke he Lagomatai? Lauga mo e fakatutalaaga auloa ne fakavē ke he Kolo Toko, Aokuso 1, 2003, lau 18. Putoia e tau talahauaga he tohi Organized, lau 111, paratafa 1, ke he lau 112, paratafa 1. Hūhū tala fakakū ke he ha tagata ne hiki ke he matakavi kua manako lahi ke he lagomatai. Ko e heigoa e tau paleko ne fehagai mo lautolu, ti kautū fēfē a lautolu ki ai? Ko e heigoa e tau monuina ne moua e lautolu?

20 minu: Lagomatai a Lautolu ne Foou ke Holo ki Mua ko e Tau Fekafekau. He mole e kamataaga ke nakai molea e taha e minuti, taute e fakatutalaaga hūhū mo e tali he fakaakoaga he Kolo Toko, Tesemo 1, 2005, lau 31, he fakaaoga e tau hūhū he fakaakoaga ne foaki mai. He mole e fakatutala ke he paratafa 18, taute e fakataitaiaga he fakakite e tagata he kaina ne totoko ke he tagata fakailoa foou hane gahua mo e tagata fakailoa ne iloa lahi. Kua nakai lauia mitaki e tali he tagata fakailoa, ti mumutu he tagata he kaina e fakatutalaaga. He toka e gutuhala, kua nava mafanatia he tagata fakailoa ne iloa lahi a ia ne foou ma e laliaga haana, ti fakakite ki a ia e puhala ke maeke ke fakaaoga e tohi Reasoning ke tali aki e tagata taofi fakatutalaaga pauaki he tau magaaho i mua.

Lologo 11 (85)

Faahi Tapu Kamata ia Fepuari 18

Lologo 10 (82)

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu.

10 minu: Tau mena kua lata mo e fakapotopotoaga.

25 minu: “Ko e Fakamooliaga he Tua!”a Ke taute he leveki fekafekau. Fakahiku aki e fakamanatuaga atihake ke he mena kua taute he fakapotopotoaga he tau he fekafekauaga kua mole.

Lologo 20 (93)

Faahi Tapu Kamata ia Fepuari 25

Lologo 26 (212)

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he gahua ke he fonua ma Fepuari. Totou e hokotakiaga fakatupe mo e tau fakatokaaga mena fakaalofa. Fakatātā e puhala ke fakaaoga aki e uiina he Fakamanatuaga ke uiina e tau tagata he magafaoa mo e katofia.

20 minu: “Loto Fakaaue he Manatu e Lukutoto.”b Ka fai magaaho, uiina e toloaga ke totou mo e talahau e tau kupu tohi ne ha ha i ai.

15 minu: Mautauteute ke Foaki e Tau Mekasini Foou. Fakatutalaaga auloa. He mole e talahauaga kū ke he Kolo Toko ia Ianuari-Mati mo e Awake! ia Mati, hūhū ke he toloaga ke he tau vala tala ka futiaki ke he tau tagata he fonua mo e ko e ha. Uiina e toloaga ke talahau e tau manatu pauaki he tau vala tala ne pulega a lautolu ke fakakite. Ko e heigoa e hūhū ka hūhū ke kamata aki e fakatutalaaga? Ha fe e kupu tohi ka totou he vala tala? He fakaaoga e tau manatu, fakatātā e puhala ke foaki e Kolo Toko ia Ianuari-Mati mo e Awake! ia Mati.

Lologo 17 (187)

Faahi Tapu Kamata ia Mati 3

Lologo 6 (45)

10 minu: Tau fakailoaaga he matakavi. Liu fakamanatu e tau matapatu manatu he puha “Tau Fakamanatu ma e Fakamanatuaga.”

20 minu: Maeke Nakai a Koe ke Kamata e Fakaakoaga Tohi Tapu ia Mati? Fakatutalaaga auloa. Ia Mati, to foaki e tautolu e tohi Fakaako he Tohi Tapu mo e foliaga ke kamata e tau fakaakoaga Tohi Tapu. Liu fakatutala ke he falu fakamaamaaga mua ue atu he tohi. Fakatutala ke he puhala kua liga fakakite aki he magaaho ka liu atu ke aahi e tagata ne fakakite e fiafia he magaaho ne toka e koe e uiina Fakamanatuaga, ka liu ke he mekasini ne foaki, he magaaho ka foaki ai he fekafekauaga he taha gutuhala ke he taha gutuhala, he mole a Mati 22. (Kikite km 8/07 lau 3; km 3/06 lau 1, para. 3; km 1/06 lau 3-6.) Taha po ke ua e fakataitaiaga ka taute.

15 minu: Fakaaoga e Tohi Tapu ka Tali e Tau Hūhū. Lauga mo e fakatutalaaga auloa ne fakavē ke he tohi Ministry School, lau 143-4. Putoia e fakataitaiaga kū he tagata fakailoa ne hūhū e hūhū fa logona mau he fonua mo e fakaaoga e Tohi Tapu ke tali aki.

Lologo 29 (222)

[Tau Matahui Tala]