Fifili e Tau Fakafiafiaaga kua Talia e Iehova

Ko Iehova ko e “Atua monuina [po ke fiafia].” (1 Timoteo 1:11) Manako a ia ke fiafia mo e olioli e moui ha tautolu. Fiafia a ia ka fakatoka kehe e tautolu e magaaho mai he gahua ke okioki. He fakaakoaga nei, to kitia e tautolu e puhala ka fakaaoga e tau magaaho okioki ke moua e fiafia mo e fakatotoka, ti fakafiafia foki a Iehova.

1. Ko e heigoa ha tautolu kua lata ke manatu ka fifili e tau fakafiafiaaga?

Ko e heigoa ne manako a koe ke taute he magaaho okioki haau? Falu ne manako ke nofo fakatekiteki i kaina ke totou pepa, fanogonogo ke he leo kofe, kitekite e kifaga, po ke onoono ke he Initanete. Falu ne fiafia ke fakalataha mo e tau kapitiga he ō hui, kakau, po ke pelē. Ko e heigoa ni e manako ha tautolu, lata ke mailoga ko e fakafiafiaaga ha tautolu ne fifili “kua fiafia e Iki ki ai.” (Efeso 5:10) Aoga ke maama e tautolu e mena nei ha kua loga e fakafiafiaaga mahuiga ne fakakite e tau mena ne vihiatia e Iehova, tuga e favale, mahani feuaki, po ke taulatua. (Totou Salamo 11:5.) Ko e heigoa ka lagomatai a tautolu ke taute e tau fifiliaga pulotu ke he fakafiafiaaga?

Ka moua e tautolu e tau kapitiga ne fakaalofa ki a Iehova, to eke a lautolu mo fakaohoohoaga mitaki mo e ka fifili e tau fakafiafiaaga ha tautolu. Tuga ne iloa e tautolu he taha fakaakoaga kua mole, “ko ia kua feoaki mo e tau tagata iloilo, kua iloilo ni a ia.” Ka e he taha faahi, ka lafi tumau a tautolu mo e tau tagata ne nakai talia e tau tuaga he Atua, “to matematekelea” a tautolu.​—Tau Fakatai 13:20.

2. Ko e ha kua aoga ke fakakaupā e magaaho kua fakaaoga e tautolu he fakafiafiaaga?

Pete ka mitaki e fakafiafiaaga kua fifili e tautolu, lata a tautolu ke mataala ke ua fakamole lahi e magaaho ki ai. Kakano neke tote e magaaho ha tautolu ma e tau matagahua kua mua e aoga. Fakamafana mai he Tohi Tapu ki a tautolu ke “fakaaoga [fakamitaki] e tau aho he mouiaga nai.”​—Totou Efeso 5:15, 16.

KUMIKUMI FAKAHOKULO

Fakaako e puhala ke taute e tau fifiliaga mitaki hagaao ke he tau fakafiafiaaga haau.

3. Kalo kehe he tau fakafiafiaaga kelea

Ko e ha kua lata a tautolu ke fifili fakamitaki e fakafiafiaaga ha tautolu? Tā e VITIŌ, ti tutala ke he tau hūhū nā.

VITIŌ: Ko e Heigoa e Fakafiafiaaga kua Lata Au ke Fifili? (4:39)

• Puhala fe kua tatai e tau feua i Roma i tuai mo e tau fakafiafiaaga mogonei?

• He vitiō, ko e heigoa ne fakaako e Danny ke he fakafiafiaaga?

Totou Roma 12:9, ti tutala ke he hūhū nei:

• Mai he kupu nei, lata ke lauia fēfē e fifiliaga haau he tau fakafiafiaaga?

Ko e heigoa falu mena ne vihiatia e Iehova? Totou Tau Fakatai 6:16, 17 mo e Kalatia 5:19-21. He oti e totou he tau kupu Tohi Tapu, tutala ke he hūhū nei:

• Ko e tau mena fe ne totoku he tau kupu nei kua aga mau he tau fakafiafiaaga mogonei?

Puhala ke fifili fakamitaki e tau fakafiafiaaga haau

Hūhū hifo:

• Ko e heigoa? Putoia nakai e tau mena ne vihiatia e Iehova?

• Magaaho fe? Fakatauhele kia ke he tau matagahua ne mua e aoga?

• Ko hai? To lafi fakatata po ke tumau kia a au mo e tau tagata ne nakai fakaalofa ki a Iehova?

Kua haohao mitaki ke fakamamao he tau mena hagahagakelea. Kakano haia kua lata ke fakamamao a tautolu he tau fakafiafiaaga ne liga nakai mitaki

4. Fakaaoga fakamitaki e magaaho haau

VITIŌ: Ko e Heigoa kua Fofō e Tau Magaaho Haau? (2:45)

• Pete kua nakai kelea e tau mena ne kitekite e matakainaga ki ai he vitiō, ka kua lauia fēfē a ia he puhala ne fakaaoga e magaaho okioki haana?

Totou Filipi 1:10, ti tutala ke he hūhū nei:

• Lagomatai fēfē he kupu nei a tautolu ke fifili e lahi he magaaho ma e fakafiafiaaga?

5. Fifili e tau fakafiafiaaga mitaki

Pete kua nakai talia e Iehova e falu fakafiafiaaga, ka e loga agaia kua mitaki. Totou Fakamatalaaga 8:15 mo e Filipi 4:8, ti tutala ke he hūhū nei:

• Ko e heigoa e tau fakafiafiaaga mitaki haau ne fa taute?

MANATU KATOA

Manako a Iehova ke fifili e tautolu e tau fakafiafiaaga mitaki mo e atihake.

Liu Fakamanatu

• Ko e heigoa e tau fakafiafiaaga kua lata e tau Kerisiano ke kalo kehe mai?

• Ko e ha kua lata a tautolu ke mataala ke he lahi he magaaho kua fakamole ke he fakafiafiaaga?

• Ko e ha kua manako a koe ke fifili e fakafiafiaaga kua talia e Iehova?

KUMI FOKI

Iloa ko hai ka fifili e tau fakafiafiaaga ha tautolu.

“Pā Nakai he Tau Fakamoli a Iehova e Tau Kifaga, Tau Pepa, po ke Tau Lologo?” (Vala tala he kupega hila)

Kitia e puhala ka taute e koe e tau fifiliaga mitaki hagaao ke he tau fakafiafiaaga.

“Aoga Kia e Fakafiafiaaga Haau?” (Ko e Kolo Toko, Oketopa 15, 2011)

He tala “Ne Kautū Mai Foki Au he Aga Fili Tagata,” kitia e kakano ati hiki he taha tagata e fifiliaga he tau fakafiafiaaga haana.

“Hiki he Tohi Tapu e Tau Momoui” (Ko e Kolo Toko, Iulai-Sepetema 2010)

Kitia e puhala ne taute he matua fifine e fifiliaga pulotu ke he fakafiafiaaga ne putoia e tau tala fakatemoni.

Kalo Kehe he Tau Fakafiafiaaga ne Putoia e Taulatua (2:02)