Fonoaga Lagataha he Tau

Oketopa 4, 1997

KO E FONOAGA LAGATAHA HE TAU he tau faoa he Watch Tower Bible and Tract Society of Pennsylvania to fakahoko ia Oketopa 4, 1997, he Fale Fono he Tau Fakamoli a Iehova, 2932 Kennedy Boulevard, Jersey City, New Jersey. Ko e fonoaga fakamua he tau faoa ni hokoia to kamata he 9:15 a.m., mui ai e fonoaga lahi ne lagataha he tau he 10:00 a.m.

Kua lata he tau faoa he Matakau Kaufakalataha ke tala age he mogonei ke he Ofisa he Tohikupu ke he ha hikiaga he ha lautolu a tau kaina ne fa fakahu ki ai e tau tohi he tau kua mole ke lata ke fakahu tumau e tau tohi fakailoaaga mo e fakamoliaga tumau ke hokotia ki a lautolu he magahala ia Iulai.

Ko e tau tohi fakamoliaga, ka fakafano ke he tau faoa fakalataha mo e fakailoaaga he fonoaga lagataha he tau, kua lata ke liuaki ke he Ofisa he Tohikupu he Sosaiete ato hoko e Aokuso 1. Kua lata ke igatia e faoa ke fakapuke mo e liuaki fakamafiti hana tohi fakamoliaga, ke talahau to fakalataha a ia ke he fonoaga po ke nakai. Ko e fakailoaaga i loto he tohi fakamoliaga kua lata ke hako tonu he magaaho nei, ha kua falanaki ki ai ke kitia ko hai ka ha ha i ai.

Kua amanaki ke oti e fakaholoaga katoa, mo e fonoaga pisinisi mo e tau hokotakiaga, he 1:00 p.m. po ke ka mole fakatote atu. To nakai fai fakaholoaga he mogo afiafi. Kakano kua nakai pulahi e poko, to huhu atu mo e tau tiketi ni hokoia. To nakai fai fakatokatokaaga ka taute ke matutaki e fonoaga lagataha he tau ha ko e tau kave telefoni ke he falu a poko fono.