Puha Hūhū

◼ Ko e heigoa haau kua lata ke taute ka poaki ke oti e fakamatala?

Fai magaaho ne kua fina atu e leoleo ke he tau tagata fakailoa hane fakatalataha ke he falu puhala he fekafekauaga, ti tala age ki a lautolu kua holia tuai e lautolu e matafakatufono, mo e poaki ki a lautolu ke oti e fakamatala. Kua lata ia koe ke fano kehe fakamafiti mo e totonu he fonua kaeke kua poaki ke taute pihia. (Mata. 5:41; Filipi 4:5) Kia nakai lali ke fakamaama e tuaga haau he tutala hagaao ke he tau tonuhia matafakatufono ha tautolu. Ka maeke, kia fakailoilo ke moua e numera he pine fakamailoga he leoleo mo e matahigoa he fale leoleo haana. Ka mole ia ti fakailoa fakamafiti atu ke he tau motua, ko lautolu mogoia ka matutaki ke he la ofisa hagaao ke he mena ne tupu. Pihia foki ka tala atu e tagata leveki po ke hukui he fale tokoluga po ke matakavi, kua lata ia koe ke muitua fakamafiti ti fakailoa atu ke he tau motua. Ko e mahani molū mo e fakatokolalo he fehagai mo lautolu ne pule ka puipui neke tupu e tau lekua nakai aoga.​—Fakatai 15:1; Roma 12:18.