Felakutaki i Ukraine Ati Matematekelea Lahi e Kū he Tau Mena Kai he Lalolagi Katoa

Ia Me 19, 2022, ne logona he United Nations Security Council mai he 75 e pule tokoluga “ke he matematekelea he tau mena kai he lalolagi katoa ha kua lauia he gagao COVID-19 mo e hikiaga he matagi ne takitaki atu ke he tuaga hoge he lalolagi katoa ha ko e felakutaki i Ukraine.” Nakai leva he mole, fakailoa mai he The Economist ko e “felakutaki ne takitaki atu e lalolagi nei ne fitā e lekua ke he hoge lahi mahaki.” Talahau tuai he Tohi Tapu ko e nakai lahi e tau mena kai to hoko ai he vahā ha tautolu, ka e foaki foki he Tohi Tapu e lagomatai ke fahia ke he hoge.

Talahau tuai he Tohi Tapu e matematekelea he tau mena kai

•  Talahau tuai e Iesu: “To laga e taha motu ke he taha motu, ko e taha kautu ke he taha kautu; to ha ha i ai e tau hoge.”​—Mataio 24:7.

•  Ko e tohi ha Fakakiteaga he Tohi Tapu ne fakamaama e fā e tagata heke solofanua fakatai. Taha he tau tagata heke solofanua ia ne hukui e felakutaki. Mui mai ia ia e taha ne hukui e hoge, ko e magaaho ka uka lahi ke moua e tau mena kai ti tauuka e tau mena kai ke fakatau. “Ti kitia ai e au, kitiala, ko e solofanua uli; ha he lima hana kua heke ai e fua tautau. Ne logona foki e au e leo . . . kua pehe mai, Ko e totogi he koini saito ko e taha tenari ia, ko e totogi foki he tolu a koini karite ko e taha tenari ia.”​—Fakakiteaga 6:5, 6.

Ko e tau perofetaaga nei he Tohi Tapu hagaao ke he matematekelea he tau mena kai kua fakamooli mogonei he magahala ne fakahigoa he Tohi Tapu ko e tau “aho fakamui.” (2 Timoteo 3:1) Ke fakaako atu foki hagaao ke he “tau aho fakamui” mo e heke he tau solofanua fā he Fakakiteaga, kitekite e vitiō The World Has Changed Since 1914 ti totou e vala tala “Tokofā e Tagata Heke Solofanua​—Ko Hai a Lautolu?”

Puhala ka lagomatai he Tohi Tapu

•  Ha ha he Tohi Tapu e fakatonuaga aoga ka lagomatai a tautolu ke fahia ke he tau tuaga paleko, putoia e tauuka he tau mena kai po ke temotemoai foki he tau mena kai. Kikite ke he falu puhala he vala tala “How to Live on Less.”

•  Ko e Tohi Tapu kua foaki ki a tautolu e amaamanakiaga to mitaki e tau tuaga. Mavehe mai e magaaho ka “ha i ai e puke aloalolima he tau saito ke he motu” mo e to loga e tau mena ke kai he tau tagata. (Salamo 72:16) Ke iloa atu foki hagaao ke he amaamanakiaga he Tohi Tapu ke he magaaho i mua mo e kakano kua lata a koe ke falanaki ki ai, totou e vala tala “A Real Hope for a Better Tomorrow.”