Fakaaoga Kia he Atua e Evolusene ke Tufuga e Tau Mena Momoui Kehekehe?
Ko e tali he Tohi Tapu
Nakai. Talahau he Tohi Tapu na tufugatia he Atua e tau tagata ti pihia mo e tau manu mo e tau akau kehekehe.a (Kenese 1:12, 21, 25, 27; Fakakiteaga 4:11) Talahau ai kua tupu mai ia Atamu mo Eva e magafaoa he tagata. (Kenese 3:20; 4:1) Nakai lalago he Tohi Tapu e fakaakoaga na fakaaoga he Atua e evolusene ke tufugatia aki e tau mena momoui kehekehe. Ka e talia he Tohi Tapu e tau saienetisi ne talahau na igatia e tau mena momoui mo e ha lautolu a tau vahega.
Fakaaoga kia he Atua e evolusene?
Ko e tau tagata ne talitonu ko e mena fakaaoga he Atua e evolusene ke tufugatia aki e tau mena momoui kua kehe e tau manatu ha lautolu mai he Atua.
Putoia foki he fakaakoaga ia e tau manatu nei:
Ko e tau mena momoui oti kua fai punaaga mai he vahā i tuai.
Maeke e taha vahega moui ke tupu mai e taha mena moui kehe.
Lago ni ke he Atua e tau tupuaga nei.
Tatai nakai e manatu he evolusene mo e Tohi Tapu?
Pehē e fakaakoaga ia kua nakai hakotika e tala ke he tufugatia i loto he Tohi Tapu ia Kenese. Ka e hagaao a Iesu ke he tohi a Kenese ko e tau fakamauaga tuai. (Kenese 1:26, 27; 2:18-24; Mataio 19:4-6) Pehē e Tohi Tapu ato hau a Iesu ke he lalolagi kua nofo a ia he lagi mo e Atua ti lagomatai e Atua ke tufuga e “tau mena oti kana.” (Ioane 1:3) Ti ko e mena ia, ko e manatu na fakaaoga he Atua e evolusene ke tufugatia aki e tau mena momoui kehekehe kua nakai fetataiaki mo e tau fakaakoaga he Tohi Tapu.
Ka e maeke nakai he tau akau mo e tau manu ke hikihiki ke maeke ke momoui?
Nakai fakamaama he Tohi Tapu e loga he tau vahega kehekehe he tau mena momoui. Po ke nakai kehe e vahega he tau manu mo e tau akau ne tufuga he Atua ka fanau po ke hiki ke he taha matakavi. Pete e onoono e falu ko e tau hikihikiaga ia mena mai he evolusene, kua nakai fai moui foou kua tupu mai ai.
a Fakaaoga he Tohi Tapu e tau kupu “kakano” mo e “fua” ne lahi atu e maamaaga ke he kupu “vahega” ne fakaaoga he tau saienetisi. Fa pehē e tau saienetisi ko e tau mena momoui foou na tutupu noa mai ka e fakakite mai he tohi a Kenese kua nakai tutupu noa ai ka kua igatia a lautolu mo e ha lautolu a vahega.