Esyonyimbo
Olwa Daudi. Omuziki.
110 Yehova mwabwira Omukama waghe ati:
“Wikale oko luhande lwaghe lw’amali
Erihika omughulu ngendisyayira esyonzighu syaghu mo kitumbi ky’ebisando byaghu.”
2 Yehova akendisyakakya omutso w’obwami* ow’obutoki bwaghu erilua e Sioni, ati:
“Ughende ukakinda* omo kati-kati k’esyonzighu syaghu.”
3 Abandu baghu bakendisyayiherera butsir’ikunwa oko kiro ky’emilondo yaghu y’abasuda.*
Omo bubuyirire obughambire erilua omo nda y’emitsange,
Uwite ekikuto kyaghu ky’abalwana ng’amatondi w’ekimi.
4 Yehova abirilapa omw’ilahirya, kandi syangayisubako:*
Abirilapa ati: “Uli muhereri kera na kera
Ng’omuhanda w’obuhereri bwa Melkisedeki!”
5 Yehova akendisyabya oko byala byaghu by’amali;
Akendisyahinolera abami oko kiro ky’erihitana liwe.
6 Akendisyatswera* n’erisuyira ebihanda;
Akendisyusulya omo kihugho mw’ebinda.
Akendisyahinolera omusondoli* w’ekihugho kinene.*
7 Akendisyanywa* oko lusi oluli oko musike w’enzira.
Busana n’ekyo, akendisyasumba omutwe wiwe.