Esyonyimbo

129 “Eritsuka omo bulwana bwaghe bakalwa naghe butumbya”

—Lino Israeli abughe ati—

 2 “Eritsuka omo bulwana bwaghe bakalwa naghe butumbya;

Nikwa sibali batanikinda.

 3 Abakalima babirilima oko mughongo waghe;

Babiritambukya amahya wabo eribya mali-mali.”

 4 Nikwa Yehova atunganene;

Abiritwa emikoba y’ababi.

 5 Abosi abaponire e Sioni bakendisyahemulwa,

N’erisuba enyuma bakakuta-kuta.

 6 Bakendisyabya ng’ebiti ebikalasa oko lutwe lw’enyumba

Ebikuma nibya isibiribyanakulwa,

 7 Sibyangusulya n’ebyala by’oyukaghesa

Kutse eryusulya amaboko w’oyukakuma-kuma emighanda.

“Emiyisa ya Yehova ibye okw’inywe;

Tukabatsumula omo rina lya Yehova.”