Esyonyimbo
Oko musondoli; ni lw’erimbira oko byombo by’omuziki eby’esinga. Maskili.* Omughulu Abazifu basa n’eribwira Sauli ambu: “Daudi anabiseme omw’itwe.”
54 Mungu, unilamaye omo rina ryaghu,
Unilwireko* omo butoki bwaghu.
2 Mungu, wowe omusabe waghe;
Uteghe okutu oko binywa by’obuno bwaghe.
3 Kusangwa ab’ehandi bakahangana erilwa naghe,
N’abandu abatekwa obulighe bakasonda-sondaya engebe* yaghe.
Sibasikirye oMungu.* (Sela)
4 Lebaya! OMungu ni muwatikya waghe;
Yehova ali haghuma n’abakaniwatikaya.*
5 Akendisyaliha esyonzighu syaghe omo bubi bwasyo;
Omo butaleghula bwaghu ubabugheho.*
6 Ngendisyakuherera amahere butsira erikunwa.
Yehova, ngendisyapipa erina lyaghu, kundi ekyo kyuwene.
7 Kusangwa akanilamaya oko buli buhanya,
Kandi ngandisyatsema ngalangira esyonzighu syaghe sikakindwa.