Isaya

18 Obulighe oko kihugho ky’ebihuka by’ebipupa ebikapiperera

Omo kiharo ky’esyonyusi kye Etiopia!

 2 Kikatuma abakwenda erilaba omo ngetse,

Ibasoka amaghetse omo mato awakokotibwe omo risesa,* n’eribugha bati:

“Inywe bakwenda abanguhire, mughende,

Oko kihanda ky’abandu bali-bali n’abatendere,*

Oko bandu abakubahawa ehosi-hosi,

Oko kihanda ky’amaka ekikakinda,*

Ekyo amaghetse akaheka ekihugho kyabo.”

 3 Inywe bikalani bosi b’ekihugho nenyu inywe mwikere oko kihugho,

Ekyo mukalangira kikendisyabya ng’ekiminyikalo* ekisumbire oko bitwa,

Kandi mukendisyowa omulenge owali ng’omulenge w’erihembe.*

“Ngendisyabya ininatulere kandi ngendisyatungerera* omwanya waghe owahanganibwe ndeke,

Ng’ekihuhania ekikakangabasanaya haghuma n’ekyakakala ky’eryuba,

Ng’ekitu ky’ekimi omo kihuhania ky’erighesa.

 5 Kusangwa embere w’erighesa,

Omughulu omusanga akalaghala n’omughulu omusanga akabya mizabibu eyerire,

Emitahi ikendisyatwibwa omo bisara

N’ehiniki* hikendisyatwibwa n’erilusibwaho.

 6 Bakendisyasighirwa ebihungu by’oko bitwa

N’esyonyama sy’oko kihugho.

Ebihungu bikendisyalyabo omo mughulu wosi w’omwisi munene,

N’esyonyama sy’oko kihugho sikendisyalyabo omo mughulu wosi w’erighesa.

 7 Oko mughulu oyo Yehova w’emilondo akendisyaleterwa olusunzo,

Erilua oko kihanda ky’abandu bali-bali n’abatendere,*

Erilua oko bandu abakubahawa ehosi-hosi,

Erilua oko kihanda ky’amaka ekikakinda,*

Ekyo amaghetse akaheka ekihugho kyabo

Erileta olusunzo olo omo mwanya owalimo erina lya Yehova w’emilondo, Ekitwa kye Sioni.”