Esyonyimbo
111 Mupipe Yah!*
א [Aleph]
Ngendisyapipa Yehova n’omutima waghe wosi
ב [Beth]
Omo kikumula ky’abandu abalungukere abahindene haghuma n’omo ndeko.
ג [Gimel]
2 Emibiiri ya Yehova ni y’eriswekera
ד [Daleth]
Abosi abakatsemerayo bakighayo.
ה[He]
3 Ebyo akakola ni by’olukengerwa kandi bikatsemesaya
ו [Waw]
N’eritunganene liwe ni rya kera na kera.
ז [Zayin]
4 Akaleka emibiiri yiwe y’eriswekera iyibukwa.
ח [Heth]
Yehova akakwira abandu b’obulighe* kandi ni mughanyiri.
ט [Teth]
5 Abakamubaha akahabo akalyo.
י [Yod]
Akibuka endaghane yiwe kera na kera.
כ [Kaph]
6 Akabisulira abandu biwe emibiiri yiwe y’amaka
ל [Lamed]
Omw’ihabo omwandu w’ebihanda.
מ [Mem]
7 Emibiiri y’ebyala biwe ni kwenene kandi ni bulingirirania;
נ [Nun]
Ebyosi ebyo akalayira ni by’eriyiketera.
ס [Samekh]
8 Ni by’eriyiketera* mughulu wosi, lino na kera na kera;
ע [Ayin]
Bikere oko kwenene n’oko ritunganene.
פ [Pe]
9 Abirikombola abandu biwe.
צ [Tsade]
Mwalayira ati endaghane yiwe litolere iyabyaho kera na kera.
ק [Qoph]
Erina liwe libuyirire kandi rikubahisaya.
ר [Resh]
10 Eryubaha Yehova yo nzuko y’amenge.
ש [Sin]
Abosi abakakwama erilayira liwe bakakanganaya obuyiteghererya bunene.
ת [Taw]
Eripipwa liwe ni rya kera na kera.