Isaya

4 Oko kiro ekyo, abakali 7 bakendisyamakirira oko omulume mughuma n’eribugha bati:

2 Ekiro ekyo, ekyo Yehova akendisyalasya kikendisyabya kindu ekighambire kundu n’eky’olukengerwa, n’ebikera omo kihugho bikendisyabya kindu kibuya n’ekindu ekyo emisighalira ya Israeli ikayihalambira. 3 Owosi-wosi oyukendisyasighala e Sioni n’oyukendisyasiwa e Yerusalema, akendisyahulwa mo oyubuyirire; abosi abali e Yerusalema abahandikirwe busana n’engebe.

4 Omughulu Yehova akendisyerya omutsafu* w’abali be Sioni n’eryerya omusasi owali omo Yerusalema, erilabira ekirimu ky’eritswera n’eky’erihisya,* 5 Yehova akendisyahangyika endata oko kihugho kyosi ky’Ekitwa kye Sioni n’endata oko aho bakakolera emihindano minene-minene, ekitu n’omuki omo musibo n’omuliro owakaka omo kiro; kusangwa endata oko lukengerwa losi hakendisyabya obuwamo. 6 Kandi omo musibo hakendisyabya akabalalayi k’eryuwamamo ekihuhania, kandi obusayiro n’obuteya oko kihunga n’embula.