Amosi
6 “Bulighe oko bandu be Sioni abayilighire,
Oko bakayowa nga bali omo buholo omo kitwa kye Samaria,
Esyoseghu-seghu sy’omo bihanda bikulu-bikulu kutsibu,
Abo Baisraeli bakayabana!
2 Muye e Kalne n’erilangira.
Mulue eyo n’eriya e Hamati Mukulu,
Enyuma sy’aho, mundaghalire e Gati y’Abafilistini
Balengire amami* aya?
Kutse ekiharo kyabo ni kinene kulenga ekyenyu?
3 Mukalusaya omo malengekania wenyu mw’ekiro ky’obuhanya
N’erileka obutsururu butabale?*
4 Bakalya esyombangale n’ebyana by’esyonde ebirimo ebisabu*
Ibanaghotsere oko syongyingo esikokotibwe omo meno w’esyotembo, kandi ibabiriyighalika oko bitumbi;*
5 Bakalw’ibatunga-tunga esyonyimbo babyowa omulenge w’enanga,*
Nga Daudi, bakakokotaya ebyombo by’omuziki.
6 Bakanywa ebibakuli ebyuswire by’edivai
N’eriyihirako amaghuta aghuwenenga.
Aliwe sibatsomene obuhanya* bwa Yozefu.
7 Busana n’ekyo, ibo bo bakendisyabya embere omughulu abandu bakendisyaya omo bunyewa.
N’efete eyilabiryeho kateho y’abakayighalika yikendisyahwa.
8 ‘Yehova, Omukama Mukulu oko Bosi, abirilapa omo rina riwe,’ Yehova oMungu w’emilondo atya,
‘“Niponire emiyiheko ya Yakobo,
Niponire ehileberyo hiwe ehyo mundu ate angahikamo bweghu-bweghu,
Kandi ngendisyahira omuyi oyo n’ebyosi ebiswiremo omo byala by’enzighu.
9 “‘“Enyumba nguma yamabisighalamo abandu 10, nabo ibakendihola. 10 Omutunga wabo* akendisyasa, iniatwalabo ehihya w’omuyi, n’eritimyabo mo mughuma-mughuma. Akendisyalusya amakuha wabo omo nyumba; n’enyuma sy’aho akendisyabulya oyuli omo kati-kati k’ebyumba by’emwisi-mwisi by’enyumba ati, ‘Omo mukine oghundi mundu?’ Naye akendisyamubwira ati, ‘Simuli mundu!’ Neryo akendisyabugha ati, ‘Huna! Kundi eno si ndambi y’eryahula erina rya Yehova.’”
11 Kundi Yehova yulyabugha.
Neryo akendihimbula enyumba nene, iyabya bisambukalirya,
Akendihimbula n’enyumba nge, iyabya bisambukalirya.
12 Esyosabayiri* sikanalaba oko lukuka* isinemutibita?
Kutse omundu anganalima oko lukuka omo syonde?
Mwabiriyira eritunganene mo kiti ekirimo esumu,
N’eritunda ry’eritunganene, mwabiriyiraryo mo ngalihira.
13 Mukatsemera emyatsi eyite na mughaso,
Kandi mukabugha muti, “Akaghala ketu ko katalyaleka itwabya n’obutoki?”*