Yesu abyandi?

Yehova mwathuma Yesu oko kihugho. 1 Yoane 4:9

Thwam’anza eritsemesya Yehova, litholere itwahulikikira oghundi mundu mukulu. Kerakera, embere sy’erihangika yo Adamu, Yehova mwahangika omundu-mulimu w’obuthoki omo lubula.

Neryo Yehova mwamuthuma athoke eributhwa eBetelehemu n’omumbesa oyuthasibwe n’omulume, yo Maria. Omwana mwaherwa erina lya Yesu.​—Yoane 6:38.

Omughulu abya oko kihugho ng’omundu, Yesu mwakangania ndekendeke emibere y’oMungu. Aby’uwene, ow’olwanzo, kandi oyo bakahikira bweghubweghu. Mwakangirirya abandi ekwenene oko Mungu butsira buba.

Yesu mwakola ebyowene, aliwe abya aponirwe. 1 Petero 2:21-24

Kandi Yesu mwalamya abakoni n’erilubukya abandu baghuma baghuma.

Abakulu b’amadini mubahamirya Abanya Roma bathoke erihunza Yesu n’erimw’itha.

Abakulu b’amadini babya baponire Yesu kusangwa inyakabwira abandu ngoko bakakangiriraya amabehi, na kandi ngoko bakwamire enzira nyibi.