Ngoko mwangakolesya esyofranga

Itwe bosi tulaghire oko syofranga tutoke erighulira abomo manyumba wetu ebyo bayitaghire. (Emisyo 30:8) Oko kwenene, ‘esyofranga ni buteya.’ (Omugambuli 7:12) Kyanganakala abatahenie erikania oko mwatsi w’esyofranga, nikwa esyofranga sisileke imwalwa. (Abanya Efeso 4:32) Obuli mundu anganayiketera oghundi n’erisoha haghuma ngoko mukendikolesya esyofranga.

1 MUSOHE NDEKE-NDEKE

EKYO EBIBLIA IKABUGHA: “Omundu muguma kwinywe amasonda erihimba enyumba eyisungulukire akatsuka eriikala ahisi n’eriganza ebyasyahimbayo erilebya ng’anawite ebyangabuga enyumba eyo.” (Luka 14:28) Ni kya mughaso erisoha nga mukandikolesya muti esyofranga syenyu. (Amosi 3:3) Imwasoha nga mukandighula ki kandi nga munawite esyangaghula kyo. (Emisyo 31:16) Sibughambu mughule ekindu kusangwa tu muwite oko syofranga sy’erikighula. Simuyibweke kitya-kitya. Mukolesaye esyofranga esyo muwiteko nyisa.​—Emisyo 21:5; 22:7.

EKYO WANGAKOLA:

• Olufranga lwamasaka omwisi ahwa, imwalusohera inywe babiri

• Esyofranga syamabya nge, mukehaye ebyo mwangaghula. Mwanganayihukira ebyala byenyu kulenga kwerilira omo restora

2 UBUGHE KWENENE N’ERILANGIRA ESYOFRANGA NGOKO LITOLERE

EKYO EBIBLIA IKABUGHA: “Kusangwa twanzire erikola ekitolere embere sya [Yehova, NWT], n’akandi embere sy’abandu.” (2 Abanya Korinto 8:21) Sighubise mwira waghu kutse omukali waghu esyofranga esyoghukita n’esyo ukakolesaya.

Uyibegheraye erikania n’omwira waghu kutse omukali waghu embere sy’erikolesya esyofranga nene. (Emisyo 13:10) Erikania haghuma oko myatsi y’esyofranga kukandileta obuholo b’omo bunyumba bwenyu. Esyoghukita si syaghu ighuwene ni syenyu inywe bosi.​—1 Timoteo 5:8.

EKYO WANGAKOLA:

• Mulighirane oko syofranga esyo obuli mundu anganakolesya butsiribwira oghundi

• Isimwalinda habye olubanza imo mwakania oko myatsi y’esyofranga