Ukanayikasa erilangira ngoko Yehova akasubiraya oko misabe yaghu?

EBiblia yiswiremo emisabe eyo Yehova asubirayako. Omughulu abaghombe b’oMungu balangira ngoko Yehova mwahulikirira erihangya-hangya lyabo kandi ngoko mwabawatikya, butsira eritika-tika obwikirirya bwabo mubwawata. Busana n’ekyo, ni ky’omughaso eribwira Yehova omo musabe ebikatuhanga-hangaya, n’eriyikasa erilangira ebisubiryo biwe oko musabe wetu. Wibuke ngoko Yehova anganasubirya oko misabe yetu ngoko tutalyamusaba kutse iniasubirya kulenga ngoko tulyamusaba. (2Kor 12:7-9; Efe 3:20) Yehova anganakolesyaki erisubirya oko misabe yetu?

• Anganatuha akaghala k’ekinya-mubiri, eritekana omo mutima kutse obwikirirya tutoke erikinda amaligho awamatuhikira.​—Flp 4:13

• Anganatuha amenge w’eriyisogha ndeke.​—Yak 1:5

• Anganatuha omuhwa n’akaghala k’erikola omwatsi mulebe.​—Flp 2:13

• Anganatuha obuholo bwiwe omughulu tuli n’erihangya-hangya.​—Flp 4:6, 7

• Anganakolesya abandi erituha ebindu ebyo tulaghireko, kutse ibatusikya mutima n’erituhira m’omuhwa.​—1Yn 3:17, 18

• Anganawatikya abo tukasabira.​—Emib 12:5, 11

MUKWAME EVIDEO YEHOVA ‘AKASUBIRAYA,’ ERISABA NERYO MUSUBIRAYE OKO MABULYO ANO:

• Ebyo mughala wetu Shimizu alabamo bikatusikaya biti mutima twamabya isitwangatoka erikola omwatsi ngoko tusondire busana n’amakoni?

• Twangakwama tuti eky’erileberyako kya mughala wetu Shimizu?