Ubye ukayilangira ngoko Yehova akakulangira

“[Yehova] akatsemera abandu biwe.” (Esy 149:4) Nomo situhika-hikene Yehova akalangira emibere yetu eyuwene n’ebyo twangakola omo biro ebikasa. Aliwe kyanganahika itwataluka erilangira emibere yetu eyuwene. Twanganalangira nga situli b’omughaso busana n’ebyo abandi bakatukolera. Kutse, tukalengekania kutsibu oko makosa wetu wa kera, itwanganalengekania tuti Yehova syendisyatwanza. Twamabiyowa tutya, ekyangatuwatikya niki?

Isiwabirirawa ngoko Yehova akalangira ebyo abandu sibangatoka erilangira. (1Sam 16:7) Ekyo ni bughambu akalangira n’ebyo tuteyilangirako. Ekikatsemesaya, eBiblia ikatuwatikaya eriminya ngoko Yehova akatulangira. Twanganaminya ekyo omughulu tukasoma emilondo n’emyatsi eyiri omo Biblia eyikakanganaya ngoko Yehova anzire kundu abaghombe biwe.

MUKWAME EVIDEO SIKAYA OMUTIMA WAGHU EMBERE SYA YEHOVA, NERYO MUSUBIRAYE OKO MABULYO ANO:

• Eky’erileberyako ky’oyukakola amatangwa, na baba wiwe kikatuwatikaya kiti eriminya ngoko Yehova akatulangira?

  Your answer

• Omundu amakola erilolo erikalire, aliwe inakola ebyosi ebikakanganaya ngoko abiriyisubako n’eritasyuwania obwira bwiwe na Yehova, angasikya ati omutima wiwe embere sya Yehova?—1Yoa 3:19, 20

  Your answer

• Mughala wetu mwabana endundi yahi omwisoma n’erilengekania buli oko mwatsi wa Dawidi na Yosafati?

  Your answer