Erikangania obutubaha omo kahatikano

Soma Yeremia 38:1-13 utoke erilangira ebyo wangigha oko butubaha obw’omuminyereri Yeremia n’omukonwe Ebedi-meleki.

Minya bingyi oko mwatsi. Busanaki Yeremia abya alaghire oko butubaha atoke eribwira abandu omulaghe wa Yehova? (Yer. 27:12-14; 28:15-17; 37:6-10) Abandu babere bowa omulaghe wa Yeremia mubakolaki?​—Yer. 37:15, 16.

Kwesa-kwesa oko mwatsi. Yeremia mwahatikanwa erikolaki? (jr 26-27 enu. 20-22) Usonde eriminya ebyuna by’amaghetse nga byabya bisosire biti kandi nga byabya bikakolesibwa biti kera. (it-1-F 483-484) Ukalengekanaya Yeremia nga mwayowa ati omo kyuna kiri ekyo. Alinga Ebedi-meleki mwasaghaki?​—w12 1/5 31 enu. 2-3.

Ulangire esyosomo esyo wamigha. Uyibulaye uti:

• ‘Omwatsi oyu amanikangiriryaki oko nzira eyo Yehova akolesaya eriteya abaghombe biwe bataleghula?’ (Esy. 97:10; Yer. 39:15-18)

• ‘Nanganasyasabwa erikangania obutubaha omo myatsi yahi?’

• ‘Nangayira niti nitoke eribya n’akaghala ak’erikola ebyuwene omughulu bamanihatikana?’ (w11 1/3 30)a