ESOMO 12

Erikania omo bolo n’omo lwanzo

1 Abanya Tesalonika 2:7, 8

OMO KIKUHI: Ukakania, kanganaya eriyowa ry’ekwenene, n’erikangania abahulikiriri baghu ko ubanzire kandi wanzire eribawatikya.

Ulengekanaye oko bahulikiriri. Teghekanaya omutima waghu iwunibukire ebitsibu ebyo abahulikiriri baghu bakalabamo. Terilengekania ngoko bakayowa.
Usombole ndeke ebinywa byaghu. Sondekanaya erihumulikania, erikirania, n’erisubya mutima abahulikiriri baghu. Yiteghaye okwibugha emyatsi eyangaleka ibapona, kandi isiwakanaya ng’oyukabugha muhanda oko abate Bimiri ba Yehova kutse oko myatsi eyo bikirirye.
Ukanganaye ngoko utsomene abahulikiriri. Omo mulenge mwolo n’ebiminyikalo ebitolere, kanganaya abahulikiriri ngoko ubatsomene. Uyiteghereraye ebiminyikalo by’obusu bwaghu; ubye ukakangania obusu bw’eriseka.

Isiwakanganaya eriyowa eryo utawite kutse erilabukirania omwikangania eriyowa lyaghu. Ukasoma, kanganaya eriyowa eriri omo ebyo ukasoma, aliwe isiwasoma ng’omundu oyw’anzire erilangirwa. Ubye n’ekusudi y’erikanirya abahulikiriri baghu omo mulenge w’eribatsomana n’omo lwanzo.