ESOMO 15

Erikania omo nzira eyikakanganaya ko wikirirye ebyo ukabugha

1 Abanya Tesalonika 1:5

OMO KIKUHI: Kanganaya ko wikirirye kundu ngoko ebyo ukabugha ni by’ekwenene kandi ngoko ni by’omughaso.

Uyiteghekanaye ndeke. Wighe omukania waghu erihika eryowa emyatsi mikulu-mikulu y’eBibilia ng’ikakanganaya yiti ngoko emyatsi eyo ni y’ekwenene. Ubughe esyonzumwa ngulu-ngulu omo binywa bike kandi ebyolobire. Ulengekanaye kutsibu oko ndundi eyo abahulikiriri bakendibana musyo. Usabe Yehova akuhe ekirimu kibuyirire.

Subirira omo ebyo ukendilabya omo mulenge muli utoke eriminyabyo ndeke, n’eryuwania emibere eyo ukendibilabyamo.
Ukolesaye ebinywa ebikakanganaya ko wikirirye ebyo ukabugha. Omo mwanya w’erisubirira omo binywa ebiri omo kitsapo kilebe, ukolesaye ebinywa byaghu. Ukolesaye ebinywa ebikakanganaya ko wikirirye ebyo ukabugha.
Ukanaye iwunemuhira omuwato oko myatsi kandi erilua oko mutima. Usumbe omulenge wo ndeke. Kyamabya isikirilangirika muhanda eyo wikere, kanaya iwunemusamalira abahulikiriri baghu.

Erikania iwunemuhira omuwato w’oko myatsi si bughambu ni kania butsira eritsomana abandu kutse eribakasa erikwama amalengekania waghu. Nibya nʼomughulu ukakanaya iwunemuhira omuwato oko myatsi, kanaya n’abahulikiriri baghu omo lwanzo.