Ngoko twangakolesya esyovideo sy’erigha eBiblia

Tuwite esyovideo 4 esy’erigha eBiblia esy’erikolesya tukatulira. Obuli video yateghekanibawa busanaki?

• 

  Busanaki litolere erigha eBiblia?​—Yosi yateghekanibawa busana n’eriha omundu y’omuhwa w’eryanza eBiblia nomo angabya ikirirye emyatsi yahi. Ikatsotsaya abandu erisondya omo Biblia mw’ebisubiryo by’oko mabulyo makulu-kulu w’omo ngebe. Kandi ikasubiraya omo nzira eyowikire oko mabulyo malebe. Ikakanganaya omundu ngoko angasaba erigha eBiblia.

• 

  Busanaki litolere er’igha eBiblia? (ekitsweka) iyo ni nguhi. Yanganakolesibwa oko bandu abawite endambi nge.

• 

  Tukigha eBiblia n’abandu tuti? yateghekanibawa busana n’eriwatikya abandu eryanzisibwa n’eprograme yetu y’erigha eBiblia butsira eriliha. Kandi yikakanganaya erigha nga likabya liti n’omundu ng’angasabati erighisibwa eBiblia.

• 

  Twamakukokya oko funzo y’eBiblia ni y’erikangania abigha b’eBiblia efunzo yabitsuka. Nomo evideo eyi yiri oko kayani ka kabiri k’ekitabu Tsemera engebe kera na kera!, yanganakanganibwa mukakanirya akatabu Tsemera engebe kera na kera! Evideo eyi yikakaniraya oko myatsi eyiri omo kitabu kandi yikakanganaya omwigha ngoko efunzo yikendibya ikasondolwa.

Esyovideo esi, obuli video yinawite omubiri wayo. Aliwe, wanganakanganiayo kutse eritumirayo omundu oko ndambi yosiyosi omughulu kyamatolera. Litolere abatuliri ibaminya ndeke ebiri omo esyovideo esi n’erikolesyasyo ndeke omwitulira.