ESOMO 1

Eritsuka ndeke omukania

Emibiri 17:22

OMO KIKUHI: Enzira yaghu y’eritsuka omukania itolere iyahira omo bandu m’omuhwa w’erikuhulikirira, iyaminyikalya omwatsi owo ukendikaniako, n’erikangania ekikendileka abahulikiriri baghu ibanzisibwa n’omukania waghu.

NGOKO WANGAKOLA:

Uhire omo bandu mw’erianzisibwa kutse m’omuhwa w’erikuhulikirira. Sombola eribulyo, ebinywa bilebe, ekyalolawako kilebe, kutse omwatsi owali oko lughali owakendileka abahulikiriri baghu ibanza erikuhulikirira.

Utsuke erilengekania oko myatsi eyikatsemesaya abahulikiriri baghu n’emyatsi eyikabahanga-hangaya, neryo umatikanaye emyatsi eyo n’ebinywa ebyo ukendikolesya ukatsuka omukania waghu.
Uminyikalaye omwatsi owo ukendikaniako. Uhakikisaye ngoko eritangirirya ryaghu likawatikaya abahulikiriri baghu erilangira ndeke-ndeke omwatsi owo ukendikaniako n’ekusudi y’omwatsi oyo.
Ukanganaye ekikaleka omwatsi inyabya w’omughaso. Uhambanaye ebinywa byaghu n’ebyo abahulikiriri baghu bayitaghire. Batolere ibayiteghererya ndeke ngoko omwatsi oyo akendibawatikya ibibene-bene.

Omughulu ukateghekanaya omukania, yibulaye: ‘Ni myatsi yahi eyo abaghala n’abali betu b’omo ndeko yetu bakalabamo?’ Neryo, ebinywa ebyo ukakolesaya omwitsuka omukania bihambane n’ebyo bayitaghire.