Jobho

30 “Nje-ke sengihlekwa+

Nababantu abancani kimi,

Aboyise ebengekhe ngivume

Ukubabeka nezinja ezigade umhlambami.

 3 Baphele amandla ngebanga lokutlhaga nokungabi nokudla;

Bakhuma ihlabathi

Esele itjhatjalalisiwe.

 4 Bakha amakari wetswayi emithini;

Ukudla kwabo mirabhu yemithi.

 5 Bayaqothwa emphakathini;+

Abantu babaqotha inga ziinlelesi.

 6 Bahlala emirhobeni,

Emigodini nematjeni.

 7 Barhuwelela bahlangana nemithi

Begodu babuthene hlangana nemithi emide.

 8 Amadodana womuntu onganangqondo namadodana womuntu onganagama,

Aqothiwe enarheni.

 9 Kodwana nje, sebahlekisa ngami ngitjho neengomeni zabo;+

Sengibe yinto yokuhlekwa* kibo.+

10 Bayanginyenya begodu bajamela kude nami;+

Abanazo iinhloni zokungikhafulela ebusweni.+

11 Ngombana uZimu ungenze ngabogaboga begodu wangithobisa,

Bangiphikisa ngaphandle kokusaba.

12 Bajame njengesiqubuthu esifuna ukungisahlela;

Bangikatelela bona ngibaleke

Begodu babeka iinqabo zokungitjhabalalisa.

13 Bone iindlela zami

Begodu benza ihlekelelami yaba yimbi khulu,+

Akhenge kube nomuntu obakhalimako bona balise.

14 Batheleka ngasuthi bangene ngetjhuba elikhulu ebodeni;

Bagedekela endaweni etjhatjalalisiweko.

15 Ngifikelwe kukwesaba;

Isithunzi sami siphephuka njengomoya,

Begodu iphuluswami inyamalele njengelifu.

16 Nje-ke sengizokufa;+

Ngitlhaga qobe langa.+

17 Ebusuku ngihlatjwa buhlungu emathanjenami;+

Ubuhlungu engibuzwako abupheli.+

18 Isambatho sami sidoseka ngamandla amakhulu;

Singikghama njengekholoro yesambatho sami.

19 UZimu ungilahlele edakeni;

Senginjengethuli nomlotha.

20 Ngibawa isizo kodwana awungiphenduli;+

Ngiyasikima bona ngitjhidele kuwe kodwana awungitjheji.

21 Ungijikele kabuhlungu;+

Wangisahlela ngesandla sakho esinamandla.

22 Ungiphakamisile wangithwala ngomoya;

Ngemva kwalokho, wangitjhabalalisa esiwuruwurwini.*

23 Ngombana ngiyazi ukuthi uzongibangela bona ngife,

Ngiye endlini lapho woke umuntu ophilako azokuya khona.

24 Kodwana akunamuntu ozokusahlela indoda egandelelekileko+

Njengombana ibawa isizo hlangana nesikhathi sayo sehlekelele.

26 Nanyana bengilindele okuhle kodwana kwafika okumbi;

Bengilindele umkhanyo kodwana kwafika ubumnyama.

27 Ukuwurubajeka okungaphakathi kwami akhenge kuphele;

Ngiqalene namalanga wobuhlungu.

29 Ngibe mfowabo leempungutjha

Bengaba mngani wabantwana beenciliba.+

30 Isikhumba sami sibe mnyama begodu sahlubeka;+

Ukugula kwami* kwenze amathambami atjhisa.

31 Iharibha lami lisetjenziselwe ukulila,

Nefuludi yami isetjenziselwe ukurhahlawula isililo.