IRhubo

Kumnqophisi; idlalwa ngeTjheminithi.* Ingoma kaDavida.

12 Maye! Jehova, ngisindisa ngombana othembekileko akasekho;

Abantu abathembekileko banyamalele hlangana nabantu.

2 Batjelana amala;

Bayatshima ngemilomabo,* bakhuluma nangeenhliziyo ezikhohlisako.+

3 UJehova uzoziqunta zoke iindebe ezitshimako

Nelimu elizikhakhazisako,+

4 Labo abathi: “Sizokuphumelela ngamalimethu.

Sisebenzisa iindebe zethu ngendlela esithanda ngayo;

Ngubani ozokuba yikosethu?”+

5 “Ngebanga lokuthi abahlunguphazwako bagandelelwe,

Ngebanga lokububula kwabanganalitho,+

Ngizokusikima ngenze okuthileko,” kutjho uJehova.

“Ngizobasindisa kilabo ababadelelako.”*

6 Amezwi kaJehova acwengile;+

Afana nesiliva elitsengwe emgodini womlilo,* lacwengwa kalikhomba.

7 Maye! Jehova, uzobagada;+

Uzokuvikela ngamunye wabo esizukulwanenesi ngokungapheliko.

8 Abakhohlakeleko bakhambakhamba bangavinjelwa

Ngombana amadodana wabantu aphakamisa ubumbi.+