IRhubo

144 Kwanga uJehova, iDwala+ lami angadunyiswa

Ungibandulela ipi,

Begodu ungilungiselela ipi.+

 2 Nguye ongitjengisa ithando elithembekileko begodu usiphephelo sami,

Usiphephelo sami esivikelekileko nomhlengami,

Usiviko sami begodu nguye engiphephela kuye,+

Nguye ohlula iintjhaba ezingaphasi kwami.+

 3 Maye! Jehova, uyini umuntu bona ungamtjheja,

Indodana yomuntu ofako bona ungayitjheja?+

 4 Ukuphila komuntu kunjengomoya;+

Amalangakhe anjengomthunzi odlulako.+

 5 Maye! Jehova, yehlisa izulu begodu wehle;+

Thinta iintaba uzenze zithunye intuthu.+

 6 Yenza umbani uphazime, uphadlhalaje namanaba;+

Dumuza imicibitjholwakho uwahlangahlanganise.+

 7 Yelula izandla zakho uphezulu;

Ungihlenge, ungisindise nemanzini anamandla,

Nesandleni sabantu abavela kwenye inarha,+

 8 Anemilomo ekhuluma amala

Aphakamisa izandla zawo zokudla bona afunge entweni emamala.

Ngizokubhinela iindumiso, ezikhambisana nesililiso sesinara seentambo ezilitjhumi,

10 Kiloyo owenza amakhosi ahlule,+

Loyo ohlenga uDavida esabuleni ebulalako.+

11 Ngihlenga, ungisindise esandleni sabantu abavela kwenye inarha,

Abanemilomo ekhuluma amala

Abaphakamisa izandla zabo zokudla bona bafunge entweni emamala.

12 Amadodanethu azokuba njengeentjalo ezincani ezikhula msinyana,

Amadodakazethu azokuba njengeensika zekhoneni ezibazelwe isigodlo.

13 Iinlulu zethu zizokuphuphuma yoke imihlobo yemikhiqizo;

Ifuywethu esemasiminethu izokubuyelelwa ngokuphindwe ngeenkulungwana, ngamatjhumi weenkulungwana.

14 Iinkomo zethu ezizithweleko, angekhe zilimale namkha zipholoje;

Angekhe kube nesililo ngebanga lokugandeleleka ematatawinethu womphakathi.